بۇل يننوۆاتسيا پرەزيدەنت قاسىم-جومارت توقاەۆ ايقىنداعان تسيفرلاندىرۋ باعىتىنا جاسالعان ناقتى قادام بولدى. مەملەكەت باسشىسى جاساندى ينتەللەكت «قۋاتتى, ادىلەتتى جانە قاۋىپسىز قازاقستان قۇرۋ ءۇشىن كەرەمەت مۇمكىندىك اشاتىنىن» اتاپ ءوتتى. «قازاقمىس» كومپانياسى بۇل ءسوزدىڭ ناقتى وندىرىستىك ۇدەرىستە جۇزەگە اسىپ جاتقانىن ءوز ۇلگىسىندە كورسەتىپ وتىر. تاشكەنتتە وتكەن «Micromine» پايدالانۋشىلارىنىڭ VIII ورتالىق ازيا كونفەرەنتسياسىندا كومپانيا ماماندارى قولدانىسقا ەنگىزىلگەن جۇيەنىڭ العاشقى جەتىستىگى تۋرالى ايتىپ بەردى.
گەولوگيالىق بارلاۋ دەپارتامەنتىنىڭ ديرەكتورى بەكاسىل اۋكەشەۆ «Weir Group Digital»-ديۆيزيونىنىڭ پرەزيدەنتى كريستەن ۋولشپەن ( ۇلىبريتانيا) جانە حالىقارالىق ساتۋ جەتەكشىسى گرەگ سلەيتەرمەن (اقش) كەلىسسوز جۇرگىزدى. قاتىسۋشىلار باعدارلامالىق شەشىمدەردى دامىتۋ, جي قۇرالدارىن قولدانۋ جانە وتاندىق مامانداردىڭ بىلىكتىلىگىن ارتتىرۋ ماسەلەسىن تالقىلادى. قازىر كومپانيادا گەولوگيالىق دەرەكتەردى, ونىڭ ىشىندە وتكەن جىلداردىڭ مۇراعاتتىق ماتەريالدارىن تسيفرلاندىرۋ ءجۇرىپ جاتىر. گەواقپاراتتى ساقتاۋدىڭ بىرىڭعاي كورپوراتيۆتىك ستاندارتى قۇرىلۋدا. ال «Micromine» باعدارلامالىق ونىمدەرى بارلاۋدان باستاپ ءوندىرۋدى جوسپارلاۋعا دەيىنگى بارلىق كەزەڭدە قولدانادى.
«قازاقمىس» جىل سوڭىنا دەيىن «Micromine Advance» جانە «Alastri» جاڭا مودۋلدەرىن ەنگىزۋدى جوسپارلايدى. بۇل وندىرىستىك ۇدەرىستەردىڭ تولىق تسيفرلىق ينتەگراتسياسىنا قول جەتكىزۋگە مۇمكىندىك بەرەدى.
كونفەرەنتسيادا گەولوگ جان شومىتوۆ جامان-ايبات كەن ورنى بويىنشا جۇرگىزگەن زەرتتەۋىن تانىستىردى. «Micromine» باعدارلاماسىنىڭ كومەگىمەن ماماندار مىستىڭ مينەرالدانۋى مەن تەكتونيكالىق بۇزىلىستار اراسىنداعى بايلانىستى انىقتاپ, گەولوگيالىق قۇرىلىمداردى تالداۋدا جي قولدانۋ ءتيىمدى ەكەنىن راستادى.
بۇگىندە «قازاقمىستا» «Micromine» باعدارلاماسىن 400-دەن استام مامان قولدانادى. 300-گە جۋىق ليتسەنزيا مەن
1 400-دەن استام مودۋل بار. دەرەكتەردىڭ 90%-دان استامى تسيفرلىق فورماتقا كوشىرىلدى. 500-دەن استام مامان وقىتۋدان ءوتتى. ولاردىڭ باسىم بولىگى حالىقارالىق سەرتيفيكاتقا يە بولدى. وسى قادامداردىڭ ارقاسىندا كورپوراتسيا ەلىمىزدەگى تاۋ-كەن ءوندىرىسى سالاسىن تسيفرلاندىرۋ باعىتىنداعى كوشباسشىلىعىن نىعايتىپ, مەملەكەت باسشىسى العا قويعان – جاساندى ينتەللەكت پەن تسيفرلىق تەحنولوگيالاردى ونەركاسىپتە دامىتۋ مىندەتىن جۇزەگە اسىرىپ جاتىر.
