جايناربەك مىڭباەۆ وسى ۋاقىتقا دەيىن تالعار پروكۋرورى قىزمەتىن اتقارعان ەرلان تاعاەۆتىڭ ورنىن باستى. تاعاەۆ بۇل قىزمەتكە 2024 جىلدىڭ قازان ايىندا تاعايىندالعان بولاتىن.
جايناربەك مىڭباەۆ 2012 جىلدان باستاپ سولتۇستىك قازاقستان وبلىسى پەتروپاۆل قالاسى پروكۋرورىنىڭ كومەكشىسى بولىپ جۇمىس ىستەگەن. كەيىن وبلىستىق پروكۋراتۋرانىڭ قىلمىستىق قۋدالاۋ باسقارماسىندا پروكۋرور جانە اعا پروكۋرور قىزمەتتەرىن اتقاردى.
2017 جىلى باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ماگيستراتۋراسىن ۇزدىك بىتىرگەن. سول جىلى باس پروكۋراتۋرانىڭ 1-دارەجەلى اعا پروكۋرورى لاۋازىمىنا تاعايىندالدى.
2021 جىلى باس پروكۋروردىڭ كومەكشىسى قىزمەتىن اتقارعان, ال 2024 جىلدىڭ قازان ايىنان باستاپ باس پروكۋروردىڭ اعا كومەكشىسى – توپ جەتەكشىسى بولعان.
سونداي-اق 2021 جىلدان بەرى جايناربەك مىڭباەۆ حالىق دەنساۋلىعىنا جانە ادامگەرشىلىككە قارسى قىلمىستار بويىنشا ىستەر جونىندەگى توپتى باسقارعان.
