فوتو: egemen.kz/ ەرلان ومار
مينيستر جىل باسىنان بەرى قولدانىسقا ەنگەن «مەملەكەتتىك ساتىپ الۋ تۋرالى» زاڭدا بۇرىن ۇزاقمەرزىمگە سوزىلاتىن ساتىپ الۋ راسىمدەرىنىڭ مەرزىمىن قىسقارتۋعا باسىمدىق بەرىلگەنىن ايتتى.
«ناتيجەسىندە وسى جىلدىڭ 9 ايىنىڭ قورىتىندىسى بويىنشا وتكەن جىلدىڭ 9 ايىمەن سالىستىرعاندا جاسالعان شارت سوماسى جانە وتاندىق تاۋار وندىرۋشىلەردەن ساتىپ الۋ سوماسى 2 ەسەگە ءوستى. جاسالعان شارتتار سانى 28%-عا, ونىڭ ىشىندە وتاندىق تاۋار وندىرۋشىلەرمەن جاسالعان شارتتار سانى 30%-عا ءوستى. شاعىمدار سانى 25%-عا قىسقاردى. مەملەكەتتىك ساتىپ الۋلارعا جي ەلەمەنتتەرى ەنگىزىلىپ, بۇل 781 ملرد تەڭگەنى ۇنەمدەۋگە مۇمكىندىك بەردى», دەدى مادي تاكيەۆ.
تسيفرلىق ترانسفورماتسيا شەڭبەرىندە ەلىمىزدە بيۋدجەت قاراجاتىنىڭ جۇمسالۋىن باقىلاۋدى كۇشەيتۋگە باعىتتالعان ونلاين بيۋدجەتتىك مونيتورينگ ەنگىزىلىپ وتىر.
قارجى ءمينيسترى بۇگىندە قاراجاتتى ءبىر عانا ءبىلىم بەرۋ بويىنشا جۇمساۋ كەزىندە بۇزۋشىلىقتاردىڭ الدىن الۋ جانە ولاردى انىقتاۋ بويىنشا ايتارلىقتاي ناتيجەلەرگە قول جەتكىزىلگەنىن اتاپ ءوتتى.
