فوتو:اشىق دەرەككوز
قارجى ءمينيسترى ءمادي تاكيەۆتىڭ ايتۋىنشا, بيىلدان باستاپ كۇشىنە ەنگەن «مەملەكەتتىك ساتىپ الۋ تۋرالى» جاڭا زاڭ راسىمدەردى ايتارلىقتاي وڭتايلاندىرىپ, بيزنەستىڭ جۇمىسىن جەڭىلدەتتى. بۇرىن ۇزاق ۋاقىت الاتىن ساتىپ الۋ پروتسەستەرى قازىر قىسقارتىلعان جانە بارىنشا اشىق جۇرگىزىلەدى. سونىمەن قاتار, زاڭعا وتاندىق تاۋار وندىرۋشىلەردى قولداۋعا باعىتتالعان جاڭا نورمالار ەنگىزىلگەن.
«جىل باسىنان بەرى مەملەكەتتىك ساتىپ الۋ سالاسىندا وڭ سەرپىن بايقالادى. 2025 جىلدىڭ 9 ايىنىڭ قورىتىندىسى بويىنشا وتكەن جىلمەن سالىستىرعاندا جاسالعان شارتتاردىڭ جالپى سوماسى مەن وتاندىق وندىرۋشىلەردەن ساتىپ الۋ كولەمى ەكى ەسەگە ارتتى. شارتتار سانى 28%-عا, ونىڭ ىشىندە وتاندىق كاسىپورىندارمەن جاسالعان كەلىسىمدەر 30%-عا كوبەيدى. ال شاعىمدار سانى 25%-عا ازايدى», دەدى ءمادي تاكيەۆ.
ءمينيستردىڭ ايتۋىنشا, مەملەكەتتىك ساتىپ الۋلار جۇيەسىنە جاساندى ينتەللەكت ەلەمەنتتەرى ەنگىزىلگەن. بۇل قۇرال تيىمدىلىكتى ارتتىرىپ, بيۋدجەت قاراجاتىن ۇنەمدەۋگە مۇمكىندىك بەردى. ناتيجەسىندە 781 ميلليارد تەڭگە كولەمىندە قارجى ۇنەمدەلگەن.
