ينفلياتسيا بارلىق كورسەتكىش بويىنشا ءوسىپ تۇر. قىركۇيەكتە جىلدىق ينفلياتسيا ۇلتتىق بانك بولجامىنان اسىپ, 12,9%-عا دەيىن جەدەلدەدى. بۇعان اسىرەسە ازىق-ت ۇلىك ايىرىقشا «ۇلەس قوسقان». قازاقستان قارجىگەرلەرى قاۋىمداستىعىنىڭ (ققق) ەسەبىندە تەڭگەنىڭ السىزدىگى يمپورتتى قىمباتتاتىپ, ينفلياتسيانى ۋشىقتىرىپ وتىرعانى ايتىلادى. قىركۇيەكتە تەڭگە 1 دوللار ءۇشىن 1,9%-عا, 549,07-گە دەيىن السىرەدى. ققق دەرەكتەرى بويىنشا, ۇلتتىق ۆاليۋتا ءۇشىن باستى قۇرىلىمدىق قاۋىپ – سىرتقى ساۋدا تەڭگەرىمىنىڭ ناشارلاۋى.
ۇلتتىق ستاتيستيكا بيۋروسىنىڭ دەرەگىنشە, ءبىر جىلدا ازىق-ت ۇلىك تاۋارلارى 11,7%-عا قىمباتتادى, ال وتباسى شىعىستارىنىڭ جارتىسىنان استامى (50,6%) تاماققا تيەسىلى. ءداستۇرلى تۇردە ءوزىن اگرارلىق دەپ ساناعان ەل ءۇشىن بۇل پارادوكسالدى. بۇل رەتتە ءتۇرلى ماكروەكونوميكالىق تالداۋشىلار تەڭگەنىڭ السىرەۋى مەن اقشا ماسساسىنىڭ وسۋىنە بايلانىستى جىل قورىتىندىسى بويىنشا ينفلياتسيانىڭ ودان ءارى – 12–13%-عا دەيىن ءوسۋىن بولجاپ وتىر.
اۋىل شارۋاشىلىعى مينيسترلىگىنىڭ اگرارلىق ازىق-ت ۇلىك نارىقتارى جانە اۋىل شارۋاشىلىعى ونىمدەرىن قايتا وڭدەۋ دەپارتامەنتى ديرەكتورىنىڭ ورىنباسارى شايمەردەن احمەتوۆتىڭ پايىمداۋىنشا, باعانىڭ ءوسۋى – «زاڭدى ۇدەرىس». ونىڭ سوزىنشە, بۇل تەك ىشكى فاكتورلارمەن ەمەس, سونىمەن قاتار ەكونوميكالىق جانە اسكەري وقيعالارمەن, بارلىق نارسەنىڭ قۇنىنا اسەر ەتەتىن حالىقارالىق قاتىناستارمەن دە بايلانىستى.
ساۋدا مينيسترلىگى ساۋدا جانە ينتەگراتسيا كوميتەتىنىڭ باعا مونيتورينگى جانە تالداۋ باسقارماسىنىڭ باس ساراپشىسى بيداۋلەت سەرىكوۆتىڭ ايتۋىنشا, مەملەكەت نارىقتى شىعىنعا باتىرا المايدى جانە باعا بەلگىلەۋ تەتىگىنە ارالاسپايدى, تەك الەۋمەتتىك ماڭىزى بار ونىمدەرگە قاتىستى ساۋدا ۇستەماقىسىن عانا رەتتەيدى.
«باعانىڭ ءوسۋى – مەملەكەت ءوندىرىستى تىم قاتاڭ رەتتەپ, باعانى جاساندى تۇردە تومەن ۇستاپ تۇرعان بۇرىنعى ساياساتتىڭ ناتيجەسى. ءبىز ءونىمنىڭ قۇنىن ۇزاق ۋاقىت ۇستاپ تۇردىق – ونىڭ ناقتى وزىندىك قۇنىن ەسكەرمەي, ايىرماشىلىقتى تاۋارلىق جانە تىكەلەي سۋبسيديا ارقىلى وتەدىك. ەندى نارىق تەتىكتەرى جۇمىس ىستەپ تۇرعاندا وزىندىك قۇن تابيعي تۇردە قالىپتاسادى. بيۋدجەت كودەكسىنە سايكەس, مەملەكەتتىك ورگانداردىڭ وندىرىستەگى وزىندىك قۇنعا ىقپال ەتۋگە قۇقىعى جوق. ءبىز تەك ساۋدا ۇستەمەلەرىن باقىلايمىز. قازىر الەۋمەتتىك ماڭىزى بار ازىق-ت ۇلىك تاۋارلارى ءۇشىن ۇستەمەاقى شەگى 15% بولىپ بەلگىلەنگەن. سوندىقتان ءبىز كورىپ وتىرعان باعانىڭ ءوسۋى ءبىرىنشى كەزەكتە الىپساتارلىقپەن ەمەس, ءوندىرىس دەڭگەيىندە ءادىل باعا بەلگىلەۋمەن بايلانىستى», دەپ مالىمدەدى ساۋدا مينيسترلىگىنىڭ وكىلى.
ساراپشىلاردىڭ ايتۋىنشا, ەلىمىز نەگىزگى پوزيتسيالاردا, ونىڭ ىشىندە سارىمساق, ءسابىز, قىرىققابات, قارا بيداي سياقتى «ازىق-ت ۇلىك قاۋىپسىزدىگىنىڭ سىني تىزبەسىندەگى» ونىمدەر بويىنشا يمپورتقا تاۋەلدى. ساۋدا مينيسترلىگىنىڭ مالىمەتىنشە, 2025 جىلدىڭ العاشقى 7 ايىندا 7 كوكونىس يمپورتى 85,6%-عا ءوسىپ, 100 ملن دوللارعا جەتتى.
ساراپشى زامير قاراجانوۆتىڭ ايتۋىنشا, نارىق تۇراقتى مەملەكەتتىك شارالارمەن – كۆوتا, شەكتەۋ, ۋاقىتشا تىيىم سالۋمەن دەفورماتسيالانىپ كەتتى. كوكتەمدە بيلىك ءىرى قارا مالدى اكەتۋگە ۋاقىتشا تىيىم سالۋمەن ەت باعاسىنىڭ ءوسۋىن تەجەۋگە تىرىستى. بىراق مۇنداي شارالار پروبلەمالاردى جۇيەلى تۇردە شەشپەيدى, كەرىسىنشە, جاعدايدى قيىنداتا تۇسەدى.
