فوتو: istockphoto.com
ءمينيستردىڭ سوزىنشە, قازاقستان تاۋەلسىزدىك العاننان بەرى قىلمىس دەڭگەيى ەكى ەسەگە قىسقارسا, كىسى ءولتىرۋ جاعدايلارى 4,5 ەسەگە ازايعان. ال حالىق سانى بۇل كەزەڭدە 1,5 ەسەگە ارتقان.
بۇگىندە ەلدە قىلمىسپەن كۇرەستىڭ جۇيەلى ساياساتى جۇرگىزىلىپ جاتىر. مينيسترلىكتىڭ مالىمەتىنشە, بيىلعى جىلى دا وڭ سەرپىن ساقتالىپ وتىر. جالپى قىلمىس سانى وتكەن جىلمەن سالىستىرعاندا 7 پايىزعا (شامامەن 6 مىڭ جاعدايعا) ازايعان. اتاپ ايتقاندا:
- كىسى ءولتىرۋ – 20%,
- توناۋ – 28%,
- قاراقشىلىق – 30%,
- بۇزاقىلىق – 11%,
- ۇرلىق – 24,5% تومەندەگەن.
سونداي-اق بۇرىن سوتتالعاندار جاساعان قىلمىستار 9%, قوعامدىق ورىنداردا جاسالعان قۇقىقبۇزۋشىلىقتار 7%, كوشەلەردەگى وقيعالار 5%, ال اتىس قارۋىن قولدانعان ىستەر 16% ازايعان.
