اۋقىمدى شاراعا 610 مىڭنان استام ادام قاتىسىپ, جۇمىلعان ەڭبەك ناتيجەسىندە 90 مىڭعا گەكتارعا جۋىق تەرريتوريا تازارتىلدى. سونداي-اق, 180 مىڭ جاسىل جەلەك وتىرعىزىلدى - اعاش تۇرلەرى اۋماق ەرەكشەلىگىنە قاراي تاڭدالعان - الما, قارا مويىل, تال جانە يرگا.
ء«بىز, ورمانشىلار, جىل سايىن اعاش وتىرعىزامىز, الايدا بۇگىن بۇل ىسكە مىڭداعان ادامنىڭ قوسىلعانىن كورۋ- ەرەكشە قۋانىش.
مۇنداي اكتسيالار ازاماتتاردىڭ تابيعاتقا جاۋاپكەرشىلىكپەن قاراۋىن قالىپتاستىرىپ, ەلىمىزدىڭ ورمان رەسۋرستارىن بولاشاق ۇرپاق ءۇشىن ساقتاۋعا ىقپال ەتەدى», – دەپ اتاپ ءوتتى ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ ورىنباسارى م. ەلەمەسوۆ.
اتالمىش شارا «تازا قازاقستان» ەكولوگيالىق مادەنيەتىن دامىتۋدىڭ 2024 – 2029 جىلدارعا ارنالعان تۇجىرىمداماسى اياسىندا ۇيىمداستىرىلدى. ونىڭ ماقساتى – قوعامنىڭ ەكولوگيالىق مادەنيەتىن ارتتىرۋ, تابيعاتقا ۇقىپتى قاراۋ يدەياسىن كەڭىنەن ناسيحاتتاۋ.
ەستەرىڭىزگە سالا كەتەيىك, بىلتىر تۇجىرىمداما اياسىندا وتكەن شارالاردا ءاربىر ءۇشىنشى قازاقستاندىق بوي كورسەتتى. بيىلعى جىلدىڭ 9 ايىندا ۇيىمداستىرىلعان ەكولوگيالىق اكتسيالارعا 5,4 ملن استام ادام قاتىسىپ, 966 مىڭ گەكتارعا جۋىق اۋماقتان 729 مىڭ توننادان استام قوقىس شىعارىلدى, ەل اۋماعى 2,4 ملن ءتۇپ اعاشپەن تولىقتى.
ايتا كەتۋ كەرەك, بيىل اۋماقتى تازالاۋ جۇمىستارىنا ءبىر ۋاقىتتا شىققان ادام سانى بويىنشا العاش رەت ەل رەكوردى ورناتىلدى. جەتىستىك ەلىمىزدىڭ كينەس رەكوردتار كىتابىنا ەنگىزىلدى. دۇنيەجۇزىلىك تازالىق كۇنىنە ورايلاستىرىلعان سەنبىلىككە 400 مىڭنان استام قازاقستاندىق قاتىستى.
سونىمەن قاتار, ەكولوگيالىق مىندەتتى ارتتىرۋعا باعىتتالعان بىرقاتار شارالار ۇيىمداستىرىلدى - ماسەلەن, مەكتەپ وقۋشىلارى مەن جوعارعى وقۋ ورىندارى ستۋدەنتتەرىنە ارنالعان ەكولوگيالىق ءبىلىم بەرۋ ساعاتتارى, ەكوكۆەستتەر مەن پىكىرتالاستار, مەكتەپتەردە قوقىستاردى ءبولىپ جيناۋعا ارنالعان فاندوماتتار مەن ەكوبوكستاردىڭ ورناتىلۋى, ەكولوگيالىق باستامالاردى, تۇراقتى تۇتىنۋ جانە ءوندىرىس تاجىريبەسىن ەنگىزەتىن كومپانيالار مەن ازاماتتاردى كوتەرمەلەۋ ت.س.س.
«تازا قازاقستان» تازالىق, تابيعاتقا قامقورلىق جانە ەلدىڭ ەكولوگيالىق بولاشاعى ءۇشىن جەكە جاۋاپكەرشىلىك يدەياسى توڭىرەگىندە ازاماتتاردى بىرىكتىرۋدىڭ سيمۆولىنا اينالدى.
