پاۆلودار وبلىسى تەرەڭكول اۋدانى ورتالىعىندا ەر ادام ەرلىكپەن قازا تاپتى. ول جانىپ جاتقان ۇيدەن ايەلى مەن ءۇش بالاسىن قۇتقارا ءجۇرىپ ءوز ءومىرىن قيعان.
- 9 قازان كۇنى تەرەڭكول اۋىلىندا جەر ءۇيدىڭ وتقا ورانعانى تۋرالى حابارلاما ءتۇستى. ءورت ءسوندىرۋ بولىمشەلەرى جەتكەن كەزدە عيماراتتاعى اعاش شاتىردىڭ كونسترۋكتسيالارى جانىپ جاتقان. وقيعا ورنىندا جەدەل جاردەم قىزمەتكەرلەرىنە ەس-ءتۇسسىز كۇيدەگى 1982 جىلى تۋعان ەر ادام تاپسىرىلدى. ول ء ورت ءسوندىرۋ قىزمەتى كەلگەنگە دەيىن ايەلى مەن ءۇش بالاسىن تەرەزەدەن شىعارىپ العان. وتباسى مۇشەلەرىنىڭ بارلىعى جەدەل جاردەم قىزمەتكەرلەرىنە تاپسىرىلدى, - دەپ حابارلادى وڭىرلىك توتەنشە جاعدايلار دەپارتامەنتىنەن.
وكىنىشكە قاراي, ەر ادام اۋرۋحانادا كوز جۇمعان. دەپارتامەنت ماماندارى ءورت 100 شارشى مەتر اۋماقتى شارپىعانىن ايتادى. قايعىلى وقيعانىڭ سەبەبى انىقتالىپ جاتىر.
پاۆلودار وبلىسى
