ونىڭ ايتۋىنشا, ەندى بانكتەر جەكە اۋدارىمدارعا ەمەس, وپەراتسيالاردىڭ جالپى بايلانىسىنا قاراپ شەشىم قابىلدايدى.
ء«بىر عانا اقشا اۋدارىمى كۇدىك تۋدىرماۋى مۇمكىن. بىراق وسىنداي بىرنەشە ءوزارا بايلانىسى بار وپەراتسيالار مەن قاتىسى بار تۇلعالار تىزبەگى كۇماندى بولۋى ىقتيمال. مۇنداي جاعدايدا بانكتەر مەن قارجى ۇيىمدارى بۇل اقپاراتتى اگەنتتىككە حابارلاۋعا مىندەتتى», دەدى ەلەمەسوۆ.
ماقسات – ءاربىر ازاماتتىڭ جەكە قارجىسىنا ارالاسۋ ەمەس, جۇيەلى زاڭسىز سحەمالاردى دەر كەزىندە انىقتاۋ.
ء«بىز ءار تيىندى سانامايمىز. ماڭىزدىسى, بەلگىلى ءبىر ماقساتتا ءجيى قايتالانىپ, ءوزارا بايلانىسىپ تۇراتىن كۇماندى ارەكەتتەردى كورۋ. كەيدە مۇنداي سحەمالار سىرتتاي قاراعاندا زاڭدى بولىپ كورىنەدى, بىراق ىشكى لوگيكاسى كۇدىك تۋعىزادى», دەپ ءتۇسىندىردى ول.
قازىر اگەنتتىك كۇماندى وپەراتسيالاردى انىقتايتىن ناقتى كريتەريلەر ازىرلەپ جاتىر. بۇل تالاپتار جاقىن ارادا قارجى مونيتورينگى اگەنتتىگى توراعاسىنىڭ بۇيرىعىمەن بەكىتىلەدى.
«وندا قانداي وپەراتسيالار كۇدىك تۋعىزاتىنى ناقتى كورسەتىلەدى. مىسالى, ءبىر شوتتان ءارتۇرلى ادامدارعا ءجيى ءىرى سوما اۋدارۋ نەمەسە كەرىسىنشە, بىرنەشە ادامنان ءبىر شوتقا قىسقا ۋاقىتتا اقشا ءتۇسۋى سياقتى جاعدايلار اۆتوماتتى تۇردە تەكسەرىلەدى», دەدى ەلەمەسوۆ.
سونداي-اق ول بانكتەرگە ازاماتتاردىڭ جەكە دەرەكتەر بازاسىنا كىرۋدىڭ قاجەتى جوق ەكەنىن اتاپ ءوتتى.
«بانك ءوز كليەنتتەرىنىڭ اراسىنداعى وپەراتسيالاردى عانا تالدايدى. سول ارقىلى زاڭدا كورسەتىلگەن ولشەمدەرگە ساي, كۇماندى مە, جوق پا – سونى انىقتايدى. بىزگە ەڭ باستىسى, اشىق ەسەپ پەن زاڭدى تۇسىنىكتەمە. اقشانىڭ قايدان كەلىپ, قايدا كەتىپ جاتقانىن انىق كورۋ ماڭىزدى», دەدى ۆەدومستۆو وكىلى.
