ەكولوگ ايجان سكاقوۆانىڭ تۇسىندىرۋىنشە, چەكتەر ارنايى تەرموپلەنكامەن قاپتالعان قاعازدان جاسالادى. ول قىزعان كەزدە ءماتىندى شىعاراتىن حيميالىق قوسپالاردان تۇرادى.
«بۇل زاتتار ۋاقىت وتە كەلە توپىراققا, سۋعا جانە ەكوجۇيەگە ءتۇسۋى مۇمكىن. سوندىقتان مۇنداي قاعازدى ماكۋلاتۋرامەن ارالاستىرۋعا بولمايدى. ولار جەكە جويىلۋى ءتيىس, ايتپەسە تابيعاتقا زيان كەلەدى», دەيدى مامان.
قازىر ەلىمىزدە قالدىقتاردى بولەك جيناۋ جۇيەسى ەندى عانا دامىپ كەلەدى, سوندىقتان چەكتەردى قابىلدايتىن ارنايى پۋنكتتەر جوق.
«ازىرگە چەكتەردى كادىمگى تۇرمىستىق قاتتى قالدىقتارعا ارنالعان كونتەينەرگە تاستاعان ءجون. بىزدە ءالى قالدىقتاردى سۇرىپتاۋ دەڭگەيى تومەن. كوپشىلىك باتارەيكانى دا بولەك وتكىزبەيدى», دەدى ايجان سكاقوۆا.
ونىڭ ايتۋىنشا, ەكولوگيالىق مادەنيەتتى قالىپتاستىرۋ ءۇشىن كۇندەلىكتى ادەتتەردەن باستاۋ كەرەك. قالدىقتاردى سۇرىپتاۋ مادەنيەتىن دامىتۋ مەن حالىقتى اقپاراتتاندىرۋ – ەكولوگيانى قورعاۋدىڭ ەڭ ءتيىمدى جولدارىنىڭ ءبىرى.
