فوتو: istockphoto.com
بۇل كەلىسىمگە 2024 جىلعى 14 اقپاندا مەملەكەت باسشىسىنىڭ قاتارعا ساپارى بارىسىندا قول قويىلعان.
قۇجات ەل ازاماتتارىنىڭ قاتاردا رەسمي جۇمىسقا ورنالاسۋىنا قۇقىقتىق نەگىز جاساپ, تاراپتاردىڭ ءوزارا مىندەتتەمەلەرىن قاراستىرادى. كەلىسىمگە قوسىمشا رەتىندە قاتارداعى قازاقستاندىق جۇمىسشىلار ءۇشىن ۇلگىلىك ەڭبەك شارتى بەكىتىلگەن.
ۇلگىلى ەڭبەك شارتىندا قاتار مەملەكەتىنىڭ زاڭناماسىنا سايكەس جۇمىس بەرۋشىنىڭ تۇرعىن ۇيمەن قامتاماسىز ەتۋ نەمەسە تۇرعىن ۇيگە وتەماقى تولەۋ, جۇمىسقا دەيىن جانە كەرى قايتۋعا تەگىن تاسىمالداۋ نەمەسە كولىكتىك جاردەماقى, مەديتسينالىق قىزمەت كورسەتۋ, سونداي-اق جىل سايىنعى ەڭبەك دەمالىسىن قوسا العاندا, جۇمىستىڭ بارلىق جاعدايلارىن قامتاماسىز ەتۋ جونىندەگى مىندەتتەمەلەرى قاراستىرىلعان.
سونىمەن قاتار كەلىسىمنىڭ ورىندالۋىن ۇيلەستىرۋ ماقساتىندا بىرلەسكەن كوميتەت قۇرىلادى. قاتار مەملەكەتى وسى كەلىسىمدى 2024 جىلعى 29 قاراشادا راتيفيكاتسيالاعان.
