كورمەدە پاترۋلدىك قىزمەتتىڭ كۇندەلىكتى جۇمىسى, جەدەل ءىس-شارالار, بالالارمەن قارىم-قاتىناس, توتەنشە جاعدايلاردىڭ سالدارىن جويۋ, سونداي-اق كينولوگتار, كريميناليستەر مەن ارنايى ءبولىم قىزمەتكەرلەرىنىڭ كۇندەلىكتى قىزمەتى بەينەلەنگەن ايشىقتى فوتوسۋرەتتەر قويىلعان.
ء«بىز فورما كيگەن پوليتسيا قىزمەتكەرىنىڭ دە وسى ءوزىمىز ءومىر ءسۇرىپ جاتقان قوعامنىڭ قاراپايىم ءبىر مۇشەسى ەكەنىن كورسەتكىمىز كەلدى. ونىڭ دا ءوز وتباسى, اتا-اناسى, جارى, بالا-شاعاسى, ومىرلىك ۇستانىمى, موينىنا ارتىلعان جاۋاپكەرشىلىگى بار. پوليتسيا قىزمەتكەرى بولۋ ءۇشىن تەك زاڭدى جاتتاپ الىپ, ونى جۇرتتان تالاپ ەتۋ جەتكىلىكسىز. ء تارتىپ ساقشىلارىنىڭ بويىندا سونىمەن قاتار, ەلشىلدىك, جاناشىرلىق, باتىلدىق, ۇستامدىلىق سياقتى ادامي قاسيەتتەر استاسىپ جاتۋى كەرەك», دەيدى وبلىستىق پوليتسيا دەپارتامەنتىنىڭ ءباسپاسوز حاتشىسى كارينا بازارباەۆا.
كورمەگە كەلۋشىلەر ارنايى شۇعىل جاساق قىزمەتكەرلەرىنىڭ ۇرىس قيمىلىن, كريميناليست, كينولوگ مامانداردىڭ جاتتىعۋىن تاماشالادى. پوليتسيا قىزمەتكەرلەرى كوپشىلىك قويعان سۇراقتارعا جاۋاپ بەرىپ, وزدەرى كۇندەلىكتى قىزمەتتە پايدالاناتىن ارنايى قۇرالدارىمەن تانىستىردى. كينولوگتار قىزمەتتىك يتتەردىڭ تاپسىرمانى قالاي اتقاراتىنىن كورسەتتى.
كورمە بارىسىندا پوليتسيا قىزمەتكەرلەرى بالالارعا ارنالعان ۆيكتورينالىق ويىن وتكىزىپ, قاعىلەزدىك تانىتقان بوبەكتەرگە ويىنشىق پاترۋلدىك ماشينالار تارتۋ ەتتى.
ء«بىزدىڭ پوليتسيا» فوتوكورمەسى قوعام مەن قۇقىق قورعاۋ ورگاندارى اراسىنداعى سەنىمدى نىعايتۋعا باعىتتالعان. پوليتسيا قاشاندا حالىقپەن بىرگە جۇمىس ىستەيدى. بۇل – جالاڭ ۇران ەمەس, پوليتسيا قىزمەتىنىڭ باستى ۇستانىمى. ءبىز حالىققا اشىق ءارى ادال قىزمەت ەتۋگە ارقاشان دايىنبىز», دەيدى ءىس-شارانى ۇيىمداستىرۋشىلار.
قوستاناي وبلىسى
