توي قوناقتارى جامبىل اۋىلىنداعى جامبىل جاباەۆتىڭ ادەبي-مەموريالدىق مۋزەيىنە اتباسىن بۇرىپ, جىر الىبى جاكەڭ مەن كۇي اتاسى نۇرعيسا رۋحىنا تاعزىم ەتىپ, گۇل شوقتارىن قويدى.
سۋىقتوبە جازىعىنداعى كوكباستاۋ اۋىلىندا وتكەن ءدۇبىرلى تويدا 40-تان استام اقبوز ءۇي تىگىلىپ, دالانىڭ ءسانىن, مەرەكەنىڭ ءمانىن ارتتىردى. ۇلتتىق قولونەر بۇيىمدارىنان كورمە ۇيىمداستىرىلىپ, سپورتتىق جارىستار ءوتتى. الماتى وبلىسىنىڭ اكىمى مارات سۇلتانعازيەۆ جيىلعان جۇرتتى مەرەيتويمەن قۇتتىقتادى.
«نۇرعيسا تىلەنديەۆ – حالقىمىزدىڭ رۋحاني قازىناسىن بايىتقان دارا تۇلعا. ونىڭ «وتىرار سازى» وركەسترى – قازاق مۋزىكاسىنىڭ التىن دىڭگەگى. ال اندەرى مەن كۇيلەرى – ۇلتتىڭ رۋحاني ايناسى. بۇل مەرەيتوي تەك ونەر مەرەكەسى عانا ەمەس, ۇلتتىق رۋحتى جاڭعىرتقان ەرەكشە ءسات», دەدى ءوڭىر باسشىسى.
اقىن جانە دراماتۋرگ, مەملەكەتتىك سىيلىقتىڭ لاۋرەاتى نۇرلان ورازالين, قوعام قايراتكەرى سەرىك ۇمبەتوۆ تە ۇلى كۇيشىنىڭ ءومىرى مەن ونەرى تۋرالى ەستەلىكتەرىمەن ءبولىستى.
مەرەيتويعا جيىلعان قاۋىم نۇرعيسا تىلەنديەۆ اتىنداعى «وتىرار سازى» مەملەكەتتىك اكادەميالىق حالىق اسپاپتارى وركەسترى مەن الماتى وبلىسىنىڭ ونەرپازدارى قويعان مۋزىكالىق باعدارلامانى تاماشالادى. قىزى ءدىنزۋحرا تىلەنديەۆا ديريجەرلىگىمەن ۇلى كومپوزيتوردىڭ ء«وز ەلىم», «اققۋ», «ماحامبەت», «اتا تولعاۋى», «التىن ءدان», «جاس قازاق» سىندى تۋىندىلارى تىڭدارمان جۇرەگىن تەربەپ, اسپان كوگىندە قالىقتادى.
مەرەكەلىك ءىس-شارا رۋحىمىزدى اسپانداتقان ات جارىسىمەن اياقتالدى. ونى تاماشالاۋعا 15 مىڭعا جۋىق ادام جينالدى. كوكباستاۋ تورىندەگى الاماندا ايگىلى جۇيرىك جۇمىرتۇياق توپ جاردى.
توپ بايگەدە اباي وبلىسىنىڭ «قالقامانى», قۇنان بايگەدە جامبىل وبلىسىنىڭ «بويتۇمار» اتتى سايگ ۇلىگى الدىنا قارا سالمادى. ات يەلەرى بايگەگە تىگىلگەن تەمىر تۇلپارلاردىڭ كىلتىن يەلەندى.
الماتى وبلىسى
