جىلۋ ەڭ الدىمەن بالاباقشا, مەكتەپتەر مەن مەديتسينالىق مەكەمە سىندى الەۋمەتتىك نىساندارعا بەرىلەدى. بۇل تۋرالى الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسى حابارلادى.
تۇرعىن ۇيلەردى ورتالىق جىلۋ جۇيەسىنە قوسۋ 10 قازاننان باستالادى. جىلۋ بەرىلگەن سوڭ پيك پەن ميب ماماندارى ءۇيدىڭ ىشكى جىلىتۋ جۇيەسىن رەتكە كەلتىرەدى. رادياتورلار مەن تىكقۇبىردان اۋا شىعارىلىپ, قىسىم رەتتەلىپ, پاتەرلەردىڭ بىركەلكى جىلىنۋىن قامتاماسىز ەتەدى.
«الجج» كومپانياسى اينالىم رەجيمدى ىسكە قوسقان. بۇل قاجەت بولعان جاعدايدا بارلىق اۋدانعا جىلۋدى جەدەل بەرۋگە مۇمكىندىك بەرەدى.
كاسىپورىن قىسقى كەزەڭگە تولىق دايىن. ىقتيمال اقاۋلارعا جەدەل رەتكە كەلتىرۋ ءۇشىن ماتەريالدار مەن جابدىقتاردىڭ اپاتتىق قورى جاساقتالعان. 2025-2026 جىلدارداعى جىلىتۋ ماۋسىمىندا 16 اپاتتىق جانە جوندەۋ بريگاداسى, بارلىعى 220 مامان مەن 56 تەحنيكا بىرلىگى تاۋلىك بويى كەزەكشىلىك ەتەدى.
