فوتو: اشىق دەرەككوز
وبلىستىق تۋريزم باسقارماسىنىڭ باسشىسى قۋانىش ميرامبەك ۇلىنىڭ مالىمەتىنشە, دەمالۋشىلاردىڭ باسىم بولىگى جازدا قاپشاعاي سۋ قويماسىنا بارۋدى ءجون كورگەن. مۇندا 1,8 ميلليونعا جۋىق ادام تىنىققان. سونداي-اق كولساي كولدەرى, شارىن شاتقالى جانە ىلە-الاتاۋ ۇلتتىق پاركىنە 700 مىڭنان استام تۋريست بارعان. ونىڭ ىشىندە 530 مىڭنان كوبى كولساي كولدەرىنە تابان تىرەپتى.
ء«ار ءۇشىنشى ساياحاتشى — شەتەلدىك تۋريست. جالپى, بيىلعى توعىز ايدىڭ قورىتىندىسى بويىنشا شەتەلدىك قوناقتار سانى 12 پايىزعا, ىشكى تۋريزم كولەمى 25 پايىزعا ءوستى», دەدى قۋانىش ميرامبەك ۇلى.
ايتا كەتەيىك, وڭىرگە ءۇندىستاننان, پارسى شىعاناعى ەلدەرىنەن جانە رەسەيدەن كەلگەن قوناقتار ءجيى كەزدەسەدى. ساراپشىلاردىڭ ايتۋىنشا, مۇنداي ءوسىم ينفراقۇرىلىمنىڭ جۇيەلى دامۋىنىڭ ناتيجەسى.
بيىل تۋريستىك باعىتتاردى اباتتاندىرۋعا 171 ميلليون تەڭگە بولىنگەن. قاراجات ەسەبىنەن «كولساي كولدەرى», «ىلە-الاتاۋ» ۇلتتىق پاركتەرى مەن قوناەۆ قالاسىندا پيرستەر, ەكوساتىلار, كىرەبەرىس نىساندار, وت جاعۋعا ارنالعان الاڭدار ورناتىلىپ, جاڭا سەرۋەن جولدارى سالىنىپ جاتىر.
ەستەرىڭىزگە سالا كەتەيىك, 2025 جىلدىڭ العاشقى التى ايىندا قازاقستانعا 7,5 ميلليون شەتەلدىك تۋريست كەلگەن.
