فوتو: egemen.kz/ قىرمىزى جۇماعاليقىزى
مەديتسينالىق ساقتاندىرۋ جۇيەسىنە كوشۋ قارجىلاندىرۋدى ەداۋىر ارتتىرۋعا مۇمكىندىك بەرگەن. دەنساۋلىق ساقتاۋ شىعىندارى ەكى ەسەدەن استام جىلدام ءوسىپ, جىلىنا ورتا ەسەپپەن 23,8 پايىزدى كورسەتكەن.
وسىنىڭ ناتيجەسىندە مەديتسيناعا جەكە ينۆەستيتسيالار تارتىلدى, دارىگەرلەردىڭ وزدەرى ءۇشىن ەڭبەك جاعدايلارى جاقساردى.
«سوڭعى 7 جىلدا دارىگەرلەردىڭ ورتاشا جالاقىسى 159 مىڭ تەڭگەدەن 442 مىڭ تەڭگەگە دەيىن ءوستى. 1 ادامعا ارنالعان مەديتسينالىق شىعىستار 98 مىڭ تەڭگەدەن 258 مىڭ تەڭگەگە دەيىن ۇلعايدى. قارجىلاندىرۋدىڭ ۇلعايۋى مەديتسينالىق كومەكتىڭ قولجەتىمدىلىگىنە تىكەلەي اسەر ەتتى. باستاپقى دەڭگەيدە كورسەتىلەتىن قىزمەتتەر جانە كونسۋلتاتسيالىق-دياگنوستيكالىق قىزمەتتەر سانى 2,7 ەسە ۇلعايدى», دەدى اقمارال ءالنازاروۆا.
