ايماق تولىقتاي كوگالداندىرىلعان, ساندىك اعاشتار مەن كوپجىلدىق وسىمدىكتەر وتىرعىزىلعان. ورىندىقتار, اتكەنشەكتەر مەن لاندشافتىق ەلەمەنتتەر كوڭىل توعايتادى. كەڭىستىك ەكولوگيالىق, فۋنكتسيونالدىق جانە ەستەتيكالىق تالاپتارعا ساي جاساقتالۋىمەن ەرەكشەلەنەدى.
مۇندا ء«ومىر اعاشى» اتتى ارت-نىسان ايرىقشا كوز تارتادى. ول «التىن ادام» كيىم ۇلگىلەرىنىڭ ەلەمەنتتەرى بەينەلەنگەن تاس قۇرىلىم تۇرىندە ورىندالعان. قاسىندا وسى بەينەلەردىڭ تاريحي ماڭىزىن باياندايتىن QR-كود ورناتىلعان.
جاڭا الاڭقايدا جاياۋ جۇرگىنشى جولدارى, فوتوايماقتار, قورشاۋ مەن اركالىق قۇرىلىمدار قاراستىرىلعان. ارنايى ازىرلەنگەن تۇجىرىمداماعا سايكەس, بۇل كەڭىستىك جاي عانا دەمالىس ورنى ەمەس, وتباسىلىق سەرۋەن مەن مادەني دەمالىستىڭ مەكەنىنە اينالارى انىق.
الماتى وبلىسى
