وبلىس اكىمدىگى ءبىلىم باسقارماسىنىڭ باسشىسى نۇربەك ورشىبەكوۆتىڭ ايتۋىنشا, حالىقارالىق كومپانيامەن بىرلەسە جۇزەگە اسىپ جاتقان جوبا بولاشاقتا مامانداردىڭ كاسىبيلىگىن ارتتىرىپ, بىلىكتى ماماندارعا دەگەن سۇرانىستى قالىپتاستىرادى.
اتاۋلى جيىننىڭ ورتاسىنان تابىلعان «Talap» كوممەرتسيالىق ەمەس اكتسيونەرلىك قوعامىنىڭ ۆيتسە-پرەزيدەنتى اليبەك احمەتوۆ, م.تىنىشپاەۆ اتىنداعى ALT ءUniversityدىڭ قۇرىلتايشىسى, ديرەكتورلار كەڭەسىنىڭ توراعاسى ارسلان سەرىكتەگى, «KNAUF گيپس كاپچاگاي» كومپانياسىنىڭ ايماقتىق مەنەدجەرى الماس بەكنازاروۆ تەحنيكالىق جانە كاسىبي مامانداردى دايارلاۋ باعىتىندا كاسىپورىنداردا اتقارىلىپ جاتقان جۇمىستاردى باياندادى.
جاڭا ورتالىق ستۋدەنتتەرگە زاماناۋي قۇرىلىس تەحنولوگيالارىن يگەرۋگە, پراكتيكالىق داعدىلارىن شىڭداۋعا جانە ەڭبەك نارىعىندا باسەكەگە قابىلەتتى مامان بولىپ قالىپتاسۋعا مۇمكىندىك بەرەدى. بۇل باستاما «WorldSkills International» سياقتى حالىقارالىق قوزعالىستار مەن ىقپالداستىقتا كاسىبي ءبىلىم بەرۋ جۇيەسىن دامىتۋعا جول اشپاق. ALT University مەن جامبىل پوليتەحنيكالىق جوعارى كوللەدجىنىڭ ىنتىماقتاستىعى ايماقتا تەحنيكالىق جانە كاسىپتىك ءبىلىم بەرۋدى دامىتۋدا جاڭا سەرپىن بەرىپ وتىر.
تاراز
