ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2025 جىلعى 1 قىركۇيەكتەگى ەسەپتە رەسپۋبليكالىق بيۋدجەتتەن تولەنەتىن جيىنتىق زەينەتاقىنىڭ ورتاشا مولشەرى 142 894 تەڭگەگە جەتتى. ونىڭ ىشىندە ىنتىماقتى زەينەتاقى مولشەرى – 95 326 تەڭگە, بازالىق زەينەتاقى – 47 568 تەڭگە.
2025 جىلعى 1 قاڭتاردان بازالىق زەينەتاقى تولەمىنىڭ مولشەرى ۇلتتىق بانك ايقىندايتىن ينفلياتسيانىڭ بولجامدى دەڭگەيىنە سايكەس 6,5%-عا, ىنتىماقتى زەينەتاقى 8,5%-عا ارتتى, ياعني ينفلياتسيا دەڭگەيىنەن 2%-عا جوعارى.
مەملەكەت باسشىسىنىڭ تاپسىرماسىنا سايكەس 2023 جىلدان باستاپ بەس جىل ىشىندە ەڭ تومەن بازالىق زەينەتاقىنى ەڭ تومەن كۇنكورىس دەڭگەيىنىڭ 70%-نا دەيىن, ەڭ جوعارى – 120%-عا دەيىن جىل سايىن كەزەڭ-كەزەڭىمەن ارتتىرۋ جۇزەگە اسىرىلادى. ماسەلەن, 2025 جىلعى 1 قاڭتاردان باستاپ بازالىق زەينەتاقىنىڭ ەڭ تومەن مولشەرى ەڭ تومەن كۇنكورىس دەڭگەيىنىڭ 65%-ىنان 70%-عا دەيىن ۇلعايتىلدى. بۇل 32 360 تەڭگەنى قۇراپ, ونىڭ ەڭ جوعارى مولشەرى ەڭ تومەن كۇنكورىس دەڭگەيىنەن 105-تەن 110%-عا دەيىن ارتتىرىلىپ, 50 851 تەڭگەگە جەتتى.
