فوتو: gov.kz
وقۋ-اعارتۋ مينيسترلىگىنىڭ مالىمەتىنشە, اپروباتسياعا تەك پەداگوگتەر عانا ەمەس, وقۋشىلار دا قاتىسادى. بۇل وقۋلىقتاردىڭ فۋنكتسيونالدىعى مەن تيىمدىلىگى جان-جاقتى تۇسىنىك قالىپتاستىرۋعا مۇمكىندىك بەرەدى.
اپروباتسيادان وتەتىن وقۋلىقتار اراسىندا 4-سىنىپقا ارنالعان – «قازاق ءتىلى», «ورىس ءتىلى» (قازاق تىلىندە وقىتاتىن مەكتەپتەر ءۇشىن), «ماتەماتيكا» (قازاق جانە ورىس تىلدەرىندە وقىتاتىن مەكتەپتەر ءۇشىن), «دۇنيەتانۋ», «ادەبيەتتىك وقۋ» جانە 7–10 سىنىپتارعا ارنالعان «دۇنيەجۇزى تاريحى», «الگەبرا», «قازاق ءتىلى», «حيميا», «بيولوگيا», «فيزيكا», «گەوگرافيا», «قۇقىق نەگىزدەرى», «شەتەل تىلدەرى» (اعىلشىن, نەمىس, فرانتسۋز تىلدەرى) بار.
«اپروباتسيا جاڭا وقۋ باعدارلاماسى نەگىزىندە ازىرلەنگەن جەكەلەگەن پاندەر بويىنشا وقۋلىقتاردىڭ كۇشتى جانە ءالسىز تۇستارىن ايقىنداۋعا, سونداي-اق مەكتەپتەر ءۇشىن وڭتايلى وقۋ ماتەريالىن ىرىكتەۋگە باعىتتالعان. ول وقۋلىقتاردى كەڭ كولەمدە ەنگىزبەي تۇرىپ, وقۋشىلارعا ارنالعان ەڭ ساپالى جانە ءتيىمدى وقۋلىقتاردى ايقىنداۋعا مۇمكىندىك بەرەدى», دەدى ءبىلىم مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعىنىڭ ديرەكتورى نازيرا ابدراحمانوۆا.
ورتالىق بەس ساتىلى ساراپتاما جۇرگىزەدى. بۇل شارا عىلىمي-پەداگوگيكالىق ساراپتاما, پىسىقتاۋ كەزەڭى, پيلوتتىق مەكتەپتەردە اپروباتسيا, قوعامدىق تالقىلاۋ جانە پاندىك ساراپتامالىق كوميسسيانىڭ قورىتىندىسىن قامتيدى.
سونداي-اق ساراپشى بولۋعا ءوتىنىم بەرگىسى كەلەتىن پەداگوگتەر bmso.kz رەسمي سايتىندا ساۋالنامادان وتە الادى.
