وقيعا ساندىقتاۋ اۋدانىنىڭ بالكاشينو اۋىلىندا بولدى. جەكە ۇيلەردىڭ ءبىرىنىڭ اۋلاسىنا جابايى سىلەۋسىن كىرىپ كەتكەن – بۇل ءوڭىر ءۇشىن سيرەك كەزدەسەتىن جاعداي. شاقىرتۋ بويىنشا وقيعا ورنىنا توتەنشە جاعدايلار دەپارتامەنتى قىزمەتكەرلەرى, ورمان قورعاۋشىلارى مەن پوليتسەيلەر جەتتى. جانۋارعا ەش زيان كەلتىرمەي ۇستالدى.
كۋاگەرلەردىڭ ايتۋىنشا, ودان بۇرىن سىلەۋسىن اۋلادا جۇرگەن ءۇي مىسىعىمەن “جانجالداسىپ” ۇلگەرگەن. كەيىنىرەك بەلگىلى بولعانداي, ۇستالعان جىرتقىشتىڭ جاسى بىرگە دە تولماعان. ول ءوز بەتىنشە ءومىر ءسۇرىپ كەتە المايتىن بولعاندىقتان, ونى اڭشىلىق شارۋاشىلىعىنا قالدىرىلدى.
مامانداردىڭ ايتۋىنشا, سىلەۋسىن كۇش جيناپ, بەيىمدەلگەن سوڭ شامامەن قىسقا نەمەسە كوكتەمگە قاراي قايتادان تابيعاتقا جىبەرىلەدى. ال جىرتقىشتىڭ اۋىل ورتاسىنا قالاي تاپ بولعانى جانە اناسىنىڭ قايدا كەتكەنى بەلگىسىز.
