زەرتتەۋ قورىتىندىلارى مەنوپاۋزا جانە اندروپاۋزاعا ارنالعان ءىى ەۋرازيالىق كونگرەسس اياسىندا 2 500-دەن استام گينەكولوگقا ۇسىنىلدى.
IRM Clinic Almaty اكۋشەر-گينەكولوگى, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى گالينا گرەبەننيكوۆا ساۋالناما ناتيجەلەرىنە توقتالا وتىرىپ, ءبىر جاعىنان ايەلدەردىڭ سانالى كوزقاراسى ارتىپ كەلە جاتقانىن, ەكىنشى جاعىنان زاماناۋي تەراپيا ادىستەرىنە قاتىستى ميفتەر مەن سەنىمسىزدىكتىڭ ءالى دە ساقتالىپ وتىرعانىن اتاپ ءوتتى.
«ساۋالناماعا قاتىسقان ايەلدەردىڭ 72,7%-ى دارىگەرمەن مەنوپاۋزالىق گورمونالدى تەراپيانى (مگت) قولدانۋ مۇمكىندىگىن ەشقاشان تالقىلاماعان. ال ولاردىڭ جارتىسىنا جۋىعى – 45,5%-ى كليماكستى ەمدەۋدىڭ قاجەتى جوق دەپ ساناسا, 27,3%-ى گورمونالدى تەراپيا قاۋىپتى ءارى اۋىر جاناما اسەرلەرى بار دەگەن پىكىردە. بۇل ايەلدەردىڭ ءالى دە سەنىمدى اقپارات تاپشىلىعى جاعدايىندا ءومىر ءسۇرىپ جاتقانىن ايقىن كورسەتەدى», – دەدى گالينا گرەبەننيكوۆا كونگرەسس بارىسىندا سويلەگەن سوزىندە.
سونىمەن قاتار, حالىقارالىق تاجىريبە كورسەتىپ وتىرعانداي, ءدال وسى مگت كليماكتەريالىق بەلگىلەردى جەڭىلدەتۋ جانە پوستمەنوپاۋزا كەزەڭىندە, الدىندا دەنساۋلىقتى ساقتاۋدىڭ ەڭ ءتيىمدى ءادىسى بولىپ سانالادى. نەگىزگى قاعيداتتار – سيمپتومداردى جەڭىلدەتۋ, سۇيەك پەن جۇرەك-قانتامىر جۇيەسىنىڭ ساۋلىعىن قولداۋ ءۇشىن جەكە تەراپيانى دۇرىس تاڭداۋ, سونىمەن بىرگە ىقتيمال قاۋىپتەردى ەسكەرۋ.
دۇنيەجۇزىلىك دەنساۋلىق ساقتاۋ ۇيىمى اتاپ وتكەندەي, مەنوپاۋزا – ايەل ومىرىندەگى ماڭىزدى كەزەڭ ءارى كەشەندى قولداۋدى قاجەت ەتەدى. ددسۇ اقپاراتتاندىرۋدى كەڭەيتىپ, مەنوپاۋزا سيمپتومدارىن دياگنوستيكالاۋ, ەمدەۋ جانە كونسۋلتاتسيا بەرۋدى مىندەتتى مەديتسينالىق قىزمەتتەر جۇيەسىنە ەنگىزۋدى ۇسىنادى.
Ayelder Dausy 2025 زەرتتەۋىنىڭ وزگە دە قورىتىندىلارى مىنانى كورسەتتى:
- ايەلدەردىڭ 54,5%-ى مەنوپاۋزا كەزەڭىندەگى دەنساۋلىعىن «وتە جاقسى» دەپ باعالاسا, ءار بەسىنشى رەسپوندەنت ونى «ناشار» دەپ اتاعان.
- مگت-عا (مەنوپاۋزالىق گورمونالدى تەراپياعا) كوزقاراس ساقتىقپەن قالىپ وتىر: ايەلدەردىڭ جارتىسىنان كوبى (54,5%) بەيتاراپ ۇستانىمدا, ال وڭ پىكىر بىلدىرگەندەر نەبارى – 27,3%.
- ايەلدەردىڭ 40%-ى تاۋەكەلدەر مەن جاناما اسەرلەر تۋرالى سەنىمدى اقپاراتتى كوبىرەك بىلگىسى كەلەتىنىن ايتقان.
سيمۆوليكالىق تۇرعىدان العاندا, زەرتتەۋ ناتيجەلەرىنىڭ 26 قىركۇيەكتە – حالىقارالىق كونتراتسەپتسيا كۇنى ۇسىنىلۋىنىڭ دا ءمانى بار. بۇل كۇنى بۇكىل الەمدە مەديتسينالىق قاۋىمداستىقتىڭ نازارى ايەلدەردىڭ رەپرودۋكتيۆتىك جانە گورموندىق دەنساۋلىعى ماسەلەلەرىنە اۋدارىلادى.
ء«بىز ءۇشىن ءتيىمدى شەشىمدەردى ازىرلەۋمەن قاتار, ەلىمىزدە ايەلدەر دەنساۋلىعىنا قامقورلىق مادەنيەتىن قالىپتاستىرۋ دا ماڭىزدى. «گەدەون ريحتەر قازاقستان» وسى سالاداعى مويىندالعان كوشباسشىلاردىڭ ءبىرى رەتىندە ايەلدەرمەن ماڭىزدى ماسەلەلەر تۋرالى اشىق سويلەسۋگە, ولاردىڭ سانالى شەشىم قابىلداۋىنا كومەكتەسۋگە جانە مەديتسينالىق قاۋىمداستىقتى اعارتۋشىلىق باستامالار ارقىلى قولداۋعا ءوز ءرولىن كورەدى. Kazakhstan Women’s Health @kwh.kz جوباسى مەن Ayelder Dausy ساۋالناماسى – وسى ميسسيانىڭ ماڭىزدى بولىگى», – دەدى «گەدەون ريحتەر قازاقستان» كومپانياسىنىڭ وكىلى دينارا بىرماعانبەتوۆا.
Ayelder Dausy زەرتتەۋى بىرنەشە جىلدان بەرى Kazakhstan Women’s Health باستاماسى اياسىندا «گەدەون ريحتەر قازاقستاننىڭ» قولداۋىمەن جۇرگىزىلىپ كەلەدى. ونىڭ ماقساتى – شىنايى كەدەرگىلەردى انىقتاپ, ايەلدەردىڭ دەنساۋلىعىنا قاتىستى سانالى شەشىم قابىلداۋىنا كومەكتەسۋ.
