وبلىس اكىمى جەرلەس چەمپيونعا اۆتوكولىك كىلتىن سىيعا بەرىپ, جەكە باپكەرى يسلام ابدرايموۆقا 5 ميلليون تەڭگەنىڭ سەرتيفيكاتىن تابىستادى.
ايدا ابىكەەۆا دا كورسەتىلگەن قۇرمەت پەن قولداۋعا ريزاشىلىعىن ءبىلدىردى.
ەندىگى نەگىزگى ماقسات – 2028 جىلعى وليمپيادا ويىندارىنا قاتىسۋ. قازىر سپورتشىعا قىسقا ۋاقىت دەمالىس قاجەت. ال كەلەسى جىلدان باستاپ ازيا ويىندارى مەن الەم كۋبوكتارىنا دايىندىق باستالماق.
«الەم چەمپيوناتىنان كەيىن كەزدەسۋلەر وتە كوپ بولىپ, تولىققاندى دەمالۋعا ۋاقىت تاپشى بولدى. وسىنداي زور قولداۋ ءۇشىن بارشاڭىزعا العىس بىلدىرەمىن. قازاقستان حالقىنا, تۋعان جەرىمە ەرەكشە ريزامىن. بۇل – ماعان تۋعان ەلىمنەن تارتۋ ەتىلگەن ەكىنشى كولىك. العاشقىسىن ناۋرىز ايىندا سەربيادا وتكەن الەم چەمپيوناتىنداعى جەڭىستەن كەيىن العان ەدىم», دەدى چەمپيون.
