فوتو: اقوردا
قاسىم-جومارت توقاەۆ اتوم ەنەرگەتيكاسى باعىتىنداعى جۇمىس ءبىر ۆەدومستۆونىڭ نەمەسە سالانىڭ اياسىندا شەكتەلىپ قالماۋعا ءتيىس ەكەنىن ەسكەرتتى.
«يادرولىق ەنەرگەتيكانىڭ نەگىزىن قالاۋ – اۋقىمدى جالپىۇلتتىق مىندەت. اتوم گەنەراتسياسى ەڭ تازا قۋات كوزدەرىنىڭ ءبىرى سانالاتىنىنا قاراماستان, اەس قۇرىلىسىندا بارلىق ەكولوگيالىق نورمانى ساقتاۋ – باستى تالاپ. عىلىمي جانە قوعامدىق ۇيىمدارمەن كونسترۋكتيۆتى ىقپالداستىقتى جولعا قويۋ ماڭىزدى. ازاماتتارىمىزدىڭ بەلگىلى ءبىر بولىگىندە راديوفوبيا بار. ودان ارىلۋ ءۇشىن كەشەندى ءتۇسىندىرۋ جۇمىستارىن جۇرگىزۋ قاجەت. اتوم جوبالارىن جۇزەگە اسىرۋ بارىسىندا جەرگىلىكتى بيزنەستىڭ مۇددەسىن ەسكەرىپ, وتاندىق ۇلەستىڭ دەڭگەيىن بارىنشا قامتاماسىز ەتۋ كەرەك. كاسىپورىندارىمىزدا اتالعان سالانىڭ جوعارى ستاندارتتارىنا ساي ءونىم شىعارۋ ءۇشىن عالىمداردىڭ, ينجەنەرلەر مەن ونەركاسىپ ماماندارىنىڭ كۇش-جىگەرىن جۇمىلدىرعان ءجون. يادرولىق ەنەرگەتيكا كەڭ بەيىندى كاسىپتىك تەحنيكالىق ماماندار دايارلاۋعا تىڭ سەرپىن بەرەدى. ءبىز تەحنيكالىق ءبىلىم بەرۋ سالاسى دامىعان تسيفرلىق دەرجاۆاعا اينالۋىمىز كەرەك. بۇل – ۇلتتىق بولمىسىمىزعا قاتىستى وتە ماڭىزدى ماسەلە. وسى باعىتتاعى جۇمىس ۇزدىكسىز جالعاسا بەرەدى. احمەت بايتۇرسىنوۆ «عىلىم مەن ونەر ارتقان سايىن بەينەت كەمي تۇسەدى» دەگەن. عىلىمي جەتىستىكتەردى بارلىق سالادا جاپپاي پايدالانۋ قاجەت. عىلىمسىز ەشتەڭە دە بەرەكەلى بولمايدى. بۇل انىق نارسە. ال ءبىلىم بولماسا, قاراڭعىلىق پەن ناداندىق بەلەڭ الادى. سوندىقتان قوعامدا عىلىم-ءبىلىم كۋلتىن ورنىقتىرۋ قاجەت. لايىقتى عالىمداردى, اسىرەسە, جاس مامانداردى قوسىمشا قارجىلاندىرۋ كەرەك», دەدى مەملەكەت باسشىسى.
