فوتو: اشىق دەرەككوز
«Kazakh Tourism» كومپانياسىنىڭ حابارلاۋىنشا, الەمدىك قوناق ءۇي برەندتەرى قازاقستان نارىعىنا بەلسەندى قىزىعۋشىلىق تانىتىپ وتىر. ولاردىڭ ىشىندە دەمالىس تۋريزمىنە دە, ىسكەرلىك ساپارلارعا دا باعىتتالعان نىساندار بار.
ء«بىز تۋريستىك ينفراقۇرىلىمنىڭ ساپاسىن ارتتىرىپ, وڭىرلەردىڭ تۋريستىك تارتىمدىلىعىن كۇشەيتۋ ماقساتىندا حالىقارالىق قوناق ءۇي جەلىلەرىمەن جۇمىس جۇرگىزىپ جاتىرمىز. قازاقستاندا ساپالى ورنالاستىرۋ ورىندارىنا دەگەن سۇرانىس تۇراقتى تۇردە ارتىپ كەلەدى. بۇل ىسكەرلىك بەلسەندىلىك پەن تۋريستەر سانىنىڭ كوبەيۋىنە بايلانىستى. حالىقارالىق قوناق ءۇي برەندتەرىنىڭ بولۋى سەرۆيس ستاندارتتارىن ارتتىرىپ قانا قويماي, نارىقتاعى باسەكەلەستىكتى دە ىنتالاندىرادى», دەدى «Kazakh Tourism» ۇك» اق باسقارما توراعاسىنىڭ م.ا. دانيەل سەرجان ۇلى.
قوناق ءۇي سالاسىنىڭ دامۋى ەل ەكونوميكاسىنا وڭ ىقپال ەتەدى. بۇل تۋريستەردىڭ ارتۋى, جاڭا جۇمىس ورىندارىنىڭ اشىلۋى جانە كاسىپكەرلىك قىزمەتتىڭ كەڭەيۋى سياقتى قوسىمشا مۇمكىندىكتەر اكەلەدى.
