قازاقستان رەسپۋبليكاسىنىڭ حيميا سالاسىنداعى 2015-2017 جىلدارعا ارنالعان سالالىق كەلىسىم  №2 

2015 جىلعى 12 اقپان, استانا قازاقستان رەسپۋبليكاسىنىڭ حيميا سالاسىنداعى  2015-2017 جىلدارعا ارنالعان سالالىق كەلىسىم I. جالپى ەرەجەلەر 1.1. وسى قازاقستان رەسپۋبليكاسىنىڭ حيميا سالاسىنداعى 2015-2017 جىلدارعا ارنالعان سالالىق كەلىسىم (بۇدان ءارى – كەلىسىم) – بۇدان ءارى تاراپتار دەپ اتالاتىن, قازاقستان رەسپۋبليكاسى ينۆەستيتسيالار جانە دامۋ مينيسترلىگى ارقىلى مەملەكەتتىك ورگان (بۇدان ءارى – مينيسترلىك), قر ۇلتتىق كاسىپكەرلەر پالاتاسى جۇمىس بەرۋشىلەرىنىڭ وكىلەتتى وكىلدەرى, «قازاقستاننىڭ حيميا ونەركاسىبى وداعى» زاڭدى تۇلعالار بىرلەستىگى (بۇدان ءارى – جۇمىس بەرۋشىلەر), قىزمەتكەرلەردىڭ وكىلەتتى وكىلى, حيميا, مۇناي-حيميا ونەركاسىبى مەن وعان تەكتەس سالالار قىزمەتكەرلەرىنىڭ سالالىق كاسىپوداعى (بۇدان ءارى – سالالىق كاسىپوداق) اراسىندا الەۋمەتتىك-ەڭبەك, ەڭبەك جانە وسىلارمەن بايلانىستى ەكونوميكالىق قاتىناستاردى رەتتەۋدىڭ ءتيىمدى تەتىگىن جاساۋ, الەۋمەتتىك ارىپتەستىك شەڭبەرىندە حيميا سالاسى كاسىپورىندارى مەن ۇيىمدارىنىڭ تۇراقتى ءارى ءتيىمدى قىزمەتى ماقساتىندا قىزمەتكەرلەر مەن جۇمىس بەرۋشىلەر مۇددەلەرىنىڭ وڭتايلى تەڭگەرىمىن قامتاماسىز ەتۋ ءۇشىن قازاقستان رەسپۋبليكاسىنىڭ زاڭناماسىنا سايكەس جاسالعان قۇقىقتىق اكت. وسى كەلىسىم سالانىڭ كاسىپورىندارى مەن ۇيىمدارىندا قىزمەتكەرلەر مەن جۇمىس بەرۋشىلەر اراسىندا ۇجىمدىق شارتتار جاساۋ كەزىندە كەلىسسوزدەر جۇرگىزۋگە نەگىز بولىپ تابىلادى. 1.2. وسى كەلىسىم ءوزارا مىندەتتەمەلەر قابىلداۋ ەرىكتىلىگى جانە ولاردى قامتاماسىز ەتۋ شىنايىلىعى, تاراپتاردىڭ وكىلەتتىلىگى مەن تەڭ قۇقىقتىلىعى جانە كەلىسىم بويىنشا قابىلدانعان مىندەتتەمەلەردى ءوز كىناسى بويىنشا ورىنداماعانى ءۇشىن تاراپتاردىڭ, ولاردىڭ وكىلدەرىنىڭ جاۋاپتىلىعى, الەۋمەتتىك ارىپتەستىكتى نىعايتۋ مەن دامىتۋعا مەملەكەتتىڭ جاردەمدەسۋى, قابىلداناتىن شەشىمدەردىڭ جاريالىلىعى, تالقىلاناتىن ماسەلەلەردى تاڭداۋ ەركىندىگى, تاراپتار مۇددەلەرىن قۇرمەتتەۋ, كەلىسىمدى ورىنداۋ مىندەتتىلىگى پرينتسيپتەرىندە جاسالدى. 1.3. كەلىسىمنىڭ كۇشى قازاقستان رەسپۋبليكاسى ەڭبەك كودەكسىنىڭ (بۇدان ءارى – قر ەك) 278-بابىندا بەلگىلەنگەن تارتىپپەن: • وسى كەلىسىمدە قابىلدانعان مىندەتتەمەلەر شەگىندە مينيسترلىككە; • قازاقستان رەسپۋبليكاسىنىڭ حيميا سالاسى قىزمەتكەرلەرىنىڭ سالالىق كاسىپوداعىنىڭ مۇشەلەرىنە, سالالىق كاسىپورىنداردىڭ جۇمىس بەرۋشىلەرىنە, جۇمىس بەرۋشىلەردىڭ بىرلەستىكتەرىنە (وداقتارىنا, قاۋىمداستىقتارىنا); • قازاقستان رەسپۋبليكاسىنىڭ اۋماعىندا ورنالاسقان, مەنشىك يەلەرى, قۇرىلتايشىلارى (قاتىسۋشىلارى) نەمەسە اكتسيونەرلەرى شەتەلدىكتەر نەمەسە شەتەلدىك زاڭدى تۇلعالار, نە شەتەل قاتىساتىن زاڭدى تۇلعالار بولىپ تابىلاتىن ۇيىمدارعا قولدانىلادى. 1.4. قىزمەتكەرلەرگە ءبىر مەزگىلدە بىرنەشە كەلىسىمدەردىڭ كۇشى قولدانىلعان جاعدايلاردا, كەلىسىمدەردىڭ قىزمەتكەرلەر ءۇشىن نەعۇرلىم قولايلى شارتتارى قولدانىلادى. مۇددەلەرىن كەلىسىمگە قول قويعان تاراپتار بىلدىرەتىن كاسىپورىندار مەن ۇيىمداردا ۇجىمدىق شارتتار بولماعان جاعدايدا, بۇل كاسىپورىندار مەن ۇيىمداردا كەلىسىمنىڭ كۇشى تىكەلەي قولدانىلادى. كاسىپورىندار مەن ۇيىمداردىڭ ىشكى قۇجاتتارىندا, كەلىسىمدە كوزدەلگەن شارتتارعا قاراعاندا, قىزمەتكەرلەر ءۇشىن نەعۇرلىم قولايلى شارتتار كوزدەلگەن جاعدايدا, كاسىپورىندار مەن ۇيىمداردىڭ ىشكى قۇجاتتارىنىڭ قىزمەتكەرلەر ءۇشىن نەعۇرلىم قولايلى شارتتارى قولدانىلادى. 1.5. كەلىسىمنىڭ قولدانىلۋ مەرزىمى ىشىندە تاراپتاردىڭ كەلىسىمى بويىنشا وعان قر ەك-گە سايكەس وزگەرىستەر مەن تولىقتىرۋلار ەنگىزىلۋى مۇمكىن. ەنگىزىلگەن وزگەرىستەر مەن تولىقتىرۋلار كەلىسىمگە قوسىمشا تۇرىندە رەسىمدەلەدى, ونىڭ اجىراماس بولىگى بولىپ تابىلادى جانە جازباشا تۇردە قىزمەتكەرلەر وكىلدەرىنىڭ نازارىنا جەتكىزىلەدى. كەلىسىمنىڭ تيتۋل پاراعىنا ولاردىڭ قولدانىلۋىنىڭ باستالۋى تۋرالى بەلگى قويىلادى. 1.6. قازاقستان رەسپۋبليكاسى ازاماتتىق كودەكسىنىڭ (بۇدان ءارى - قر اك) 404-بابىندا جانە كەلىسىمنىڭ 9.1-تارماعىندا كوزدەلگەن جاعدايلاردى قوسپاعاندا, كەلىسىم تاراپتارىنىڭ ەشقايسىسى ونىڭ قولدانىلۋ مەرزىمى ىشىندە وزدەرىنە قابىلدانعان مىندەتتەمەلەردىڭ ورىندالۋىن بىرجاقتى تارتىپپەن توقتاتۋعا قۇقىلى ەمەس. ۋاعدالاسۋشى تاراپتار قايتا ۇيىمداستىرىلعان جاعدايدا وسى كەلىسىم بويىنشا مىندەتتەمەلەردىڭ ورىندالۋى قازاقستان رەسپۋبليكاسىنىڭ زاڭناماسىنا سايكەس ولاردىڭ قۇقىقتىق ميراسقورلارىنا جۇكتەلەدى. 1.7. كەلىسىمنىڭ قولدانىلۋ مەرزىمىندە قابىلدانعان جانە قىزمەتكەرلەردىڭ جاعدايىن جاقسارتاتىن نورماتيۆتىك قۇقىقتىق اكتىلەر كەلىسىمنىڭ ءتيىستى تارماقتارىنىڭ قولدانىلۋىن ولار كۇشىنە ەنگەن ساتتەن باستاپ كەڭەيتەدى. 1.8. ەگەر نورماتيۆتىك قۇقىقتىق اكتىلەرمەن قىزمەتكەرلەردىڭ جاعدايى ناشارلايتىن بولسا, وسى كەلىسىمنىڭ شارتتارى قولدانىلادى. 1.9. تاراپتار يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋعا باعىتتالعان بىرلەسكەن ءىس-شارالاردى جۇزەگە اسىرادى. II. تاراپتاردىڭ ءوزارا قاتىناستارى جانە مىندەتتەمەلەرى تاراپتار: 2.1. قازاقستان رەسپۋبليكاسىنىڭ حيميا سالاسى قىزمەتكەرلەرىنىڭ الەۋمەتتىك-ەكونوميكالىق پروبلەمالارىن شەشۋ كەزىندە تەپە-تەڭدىك باستامادا ىنتىماقتاسۋعا, مەملەكەتتىك باسقارۋ ورگاندارىندا ەڭبەك, الەۋمەتتىك جانە ولارمەن بايلانىستى ەكونوميكالىق قۇقىقتار مەن مۇددەلەردى قورعاۋ ماسەلەلەرى بويىنشا ۋاكىلەتتىك ەتۋگە, ءتيىستى اكتسيالاردى, باعدارلامالاردى, ۇسىنىمداردى ازىرلەۋگە قاتىسۋعا; قر اك 126-بابىندا, «جەكە كاسىپكەرلىك تۋرالى» قازاقستان رەسپۋبليكاسى زاڭىنىڭ 11-بابىندا كوزدەلگەن قىزمەتتىك جانە كوممەرتسيالىق قۇپيانى (قۇپيا اقپاراتتى) جاريا ەتپەۋ تۋرالى تالاپتار, سونداي-اق جۇمىس بەرۋشىلەردىڭ قىزمەتتىك جانە كوممەرتسيالىق قۇپيالارىن ساقتاۋدى قامتاماسىز ەتۋدى رەگلامەنتتەيتىن ىشكى قۇجاتتاردىڭ تالاپتارى ساقتالعان جاعدايدا, ءبىر-بىرىنە الەۋمەتتىك-ەكونوميكالىق سيپاتتاعى ماسەلەلەر بويىنشا اقپاراتتى تولىق جانە ۋاقتىلى ۇسىنۋعا; 2.2. قىزمەتكەرلەرگە جانە ولاردىڭ وتباسىلارىنا زاڭنامادا جانە وسى كەلىسىمدە بەلگىلەنگەن ەڭ تومەنگى الەۋمەتتىك كەپىلدىكتەر مەن جەڭىلدىكتەردىڭ ورىندالۋىن قامتاماسىز ەتۋگە, ۇجىمدىق شارتتار جاساۋ كەزىندە قىزمەتكەرلەر مەن جۇمىس بەرۋشىلەردىڭ وسى كەپىلدىكتەر تىزبەسىن كەڭەيتۋدەگى قۇقىقتارىن شەكتەمەۋگە; 2.3. كەلەسىلەرگە: • ءوزارا مۇددەلەردى وبەكتيۆتى ەسەپكە الۋ نەگىزىندە الەۋمەتتىك تۇراقتىلىقتى جانە قوعامدىق كەلىسىمدى قامتاماسىز ەتۋگە; • حيميا سالاسى كاسىپورىندارىنىڭ تۇراقتى جۇمىس ىستەۋىن قامتاماسىز ەتۋگە, ەڭبەك ونىمدىلىگىن, ءوندىرىس تيىمدىلىگىن, قىزمەتكەرلەردىڭ ءومىر ءسۇرۋ دەڭگەيىن ارتتىرۋعا جانە ولاردىڭ الەۋمەتتىك-ەكونوميكالىق قۇقىقتارىن قورعاۋعا; • سالاۋاتتى جانە قاۋىپسىز ەڭبەك جاعدايلارىن جاساۋعا جانە قورشاعان ورتانى قورعاۋعا; • قىزمەتكەرلەردىڭ كاسىبي دەڭگەيىن ارتتىرۋعا باعىتتالعان بىرىككەن شارالار قابىلداۋعا كەلىسەدى. 2.4. تاراپتار الەۋمەتتىك-ەڭبەك جانجالدارى مەن ەرەۋىلدەردى بولدىرماۋ ءۇشىن كەلىسىمنىڭ قولدانىلۋ كەزەڭىندە ۇجىمدىق ەڭبەك داۋلارى مەن جانجالدارىنىڭ تۋىنداۋىنا جانە ولاردى شەشۋدىڭ شەكتى شاراسى – ەرەۋىلدەردىڭ قولدانىلۋىنا الىپ كەلۋى مۇمكىن سەبەپتەر مەن جاعدايلاردى جويۋ بويىنشا الدىن الۋ شارالارىن قابىلداۋعا; 2.5. كەلىسىمدەردى, ۇجىمدىق شارتتاردى ازىرلەۋگە جانە قابىلداۋعا قاتىسۋ ءۇشىن, قازاقستان رەسپۋبليكاسىنىڭ زاڭناماسىندا بەلگىلەنگەن ءوز قۇزىرەتى شەگىندە تاراپتاردىڭ وكىلدەرىنەن تۇراتىن جۇمىس توبىن قالىپتاستىرۋ جانە ونىڭ جۇمىس ىستەۋ ءتارتىبىن ساقتاۋعا; 2.6. سالالىق بىلىكتىلىك شەڭبەرىن ازىرلەۋگە جانە بەكىتۋگە قاتىسۋعا مىندەتتەنەدى. 2.7. قازاقستان رەسپۋبليكاسىنىڭ حيميا سالاسى كاسىپورىندارى مەن ۇيىمدارىنىڭ جۇمىس بەرۋشىلەرى: 2.7.1. وسى كەلىسىمدى ىسكە اسىرۋ ءۇشىن جاعدايلار جاساۋعا, ۇسىنىستاردى قاراۋعا, كەلىسسوزدەر, كونسۋلتاتسيالار جۇرگىزۋگە جانە قر ەك-دە كوزدەلگەن تارتىپپەن جانە شارتتاردا ۇيىمداردىڭ قىزمەتكەرلەرىمەن ولاردىڭ وكىلدەرى – سالالىق كاسىپوداقتىڭ ءتيىستى ۇيىمدارى ارقىلى ۇجىمدىق شارتتار جاساۋعا; 2.7.2. قر ەك-دە كوزدەلگەن جاعدايلاردا الەۋمەتتىك-ەڭبەك ماسەلەلەرى بويىنشا شەشىمدى قابىلداۋدان بۇرىن, ۇجىمدىق شارتتا كوزدەلگەن تارتىپپەن جۇمىس بەرۋشى اكتىلەرىنىڭ ءتيىستى جوبالارىن سايلانبالى كاسىپوداق ورگانىمەن الدىن الا كەلىسۋگە جانە ولاردى قاجەتتى اقپاراتپەن جانە نورماتيۆتىك قۇجاتتامامەن قامتاماسىز ەتۋگە; 2.7.3. جۇمىسقا جاڭا قىزمەتكەرلەردى قابىلداۋ كەزىندە ولاردى كەلىسىمنىڭ بار ەكەندىگى تۋرالى حاباردار ەتۋگە, ولاردى ۇجىمدىق شارتپەن جانە وعان قوسىمشالارمەن, ولاردىڭ قولدانىلۋ تارتىبىمەن, سونداي-اق جۇمىس بەرۋشىنىڭ ولاردىڭ الەۋمەتتىك-ەڭبەك قۇقىقتارى مەن فۋنكتسيالارىنا قاتىسى بار باسقا دا اكتىلەرىمەن تانىستىرۋعا كەلىسەدى. 2.8. سالالىق كاسىپوداق, ونىڭ قۇرىلىمدىق بولىمشەلەرى, وقشاۋلانعان كاسىپوداقتار: 2.8.1. جۇمىس بەرۋشىلەرگە ەڭبەك ونىمدىلىگىن, ءوندىرىس تيىمدىلىگىن ارتتىرۋ ماسەلەلەرىندە, ەڭبەك ءتارتىبىن نىعايتۋدا, ەڭبەك ەتۋ مەن تىنىعۋ رەجيمدەرىن ساقتاۋدا, ەڭبەكاقى تولەۋدىڭ قولدانىستاعى جۇيەلەرىن تۇسىندىرۋدە كومەك كورسەتۋگە; 2.8.2. جۇمىس بەرۋشىلەر وزدەرىنە قابىلدانعان مىندەتتەمەلەردى ورىنداعان جاعدايدا كەلىسىمنىڭ قولدانىلۋ كەزەڭىندە ەرەۋىلدەر جاريالاۋدان تارتىنۋعا, ۇجىمدىق ەڭبەك داۋلارىن شەشۋ كەزىندە قازاقستان رەسپۋبليكاسىنىڭ زاڭناماسىندا كوزدەلگەن تاتۋلاستىرۋ راسىمدەرىن بارىنشا پايدالانۋعا مىندەتتەنەدى. تاراپتار ەڭبەك داۋلارىن تەك قازاقستان رەسپۋبليكاسىنىڭ ەڭبەك زاڭناماسىنا سايكەس, ونىڭ ىشىندە تاتۋلاستىرۋ راسىمدەرى جانە سوتقا جۇگىنۋ جولىمەن شەشۋگە, جانە كەيىننەن سوتپەن زاڭسىز دەپ تانىلاتىن ارەكەتتەرگە, ونىڭ ىشىندە ەرەۋىلدەر وتكىزۋگە جول بەرمەۋگە; 2.8.3. جۇمىس بەرۋشىلەردى سالالىق كاسىپوداقتىڭ القالىق ورگاندارىمەن قابىلداناتىن قۇجاتتار تۋرالى حاباردار ەتۋگە جانە جوسپارلانىپ جاتقان ۇجىمدىق ارەكەتتەر تۋرالى ۋاقتىلى ەسكەرتۋگە; 2.8.4. ۇجىمدىق كەلىسسوزدەر جۇرگىزۋ كەزىندە بەلگىلى بولاتىن, قىزمەتتىك جانە كوممەرتسيالىق قۇپيانى قۇرايتىن مالىمەتتەردى جاريا ەتپەۋگە مىندەتتى. 2.9. ارىپتەستىك تاراپتارىنىڭ قر ەك نورمالارىنىڭ تالاپتارىنان تۋىندايتىن بارلىق وزگە مىندەتتەمەلەرى سالا كاسىپورىندارىندا ۇجىمدىق شارتتاردى جاساۋ كەزىندە رەتتەلەدى جانە ناقتىلانادى. III. ەڭبەككە اقى تولەۋ تاراپتار ەڭبەك ونىمدىلىگىنىڭ ءوسۋى مەن ءوندىرىس تيىمدىلىگى ەسەبىنەن سالا قىزمەتكەرلەرىنىڭ تابىستارىن كوبەيتۋگە باعىتتالعان ساياساتتى جۇرگىزۋ قاجەتتىلىگىن مويىندايدى. تاراپتار كەلەسىلەر جونىندە كەلىسىمگە كەلدى: 3.1. ءوندىرىس ەرەكشەلىكتەرىن جانە سالاداعى قىزمەتكەرلەردىڭ ەڭبەك جاعدايلارىن ەسكەرە وتىرىپ, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەردىڭ ەڭبەگىنە اقى تولەۋدىڭ ەڭ تومەنگى ستاندارتىن ەسەپتەۋ ءۇشىن 1,5 مولشەرىندە سالالىق ارتتىرۋشى كوەففيتسيەنت بەلگىلەنەدى جانە قازاقستان رەسپۋبليكاسىنىڭ زاڭناماسىندا, ۇجىمدىق شارتتاردا, وسى كەلىسىمدە جانە جۇمىس بەرۋشىنىڭ اكتىلەرىندە بەلگىلەنگەن ۇستەمە اقىلار قولدانىلادى. 3.2. ەڭبەككە اقى تولەۋ تۇرلەرىن, جۇيەلەرىن جانە ماتەريالدىق ماراپاتتاۋ نىساندارىن بەلگىلەۋ جانە قايتا قاراۋ تۋرالى ەرەجەلەر ۇجىمدىق شارتتىڭ, ەڭبەك شارتىنىڭ تالاپتارىندا جانە (نەمەسە) جۇمىس بەرۋشىنىڭ اكتىلەرىندە ايقىندالادى (قر ەك 126-بابى 3-تارماعى). 3.3. ەڭبەككە اقى تولەۋ جۇيەسى بىرجولعى ىنتالاندىرۋشى تولەمدەردى ەسەپكە الماعاندا, قىزمەتكەرلەردىڭ ورتاشا ايلىق جالاقىسىنىڭ كەمىندە 75 پروتسەنتى بولاتىن نەگىزگى جالاقى ۇلەسىن (جالاقىنىڭ نەگىزگى بولىگىنە قاتىستى) قامتاماسىز ەتۋگە ءتيىس. بۇل رەتتە, جالاقىنىڭ نەگىزگى (سالىستىرمالى تۇردە تۇراقتى) بولىگىنە ايلىقاقى, تاريفتىك ستاۆكا جانە كەسىمدى باعالاۋ بويىنشا ەڭبەككە اقى تولەۋ, ۇجىمدىق شارتتاردا, نە جۇمىس بەرۋشىنىڭ اكتىلەرىندە بەلگىلەنگەن بىلىكتىلىگى, ەڭبەك كۇردەلىلىگى مەن جاعدايى ءۇشىن قوسىمشا اقىلار مەن ۇستەمە اقىلار, تۇنگى ۋاقىتتا, مەرەكە جانە دەمالىس كۇندەرى جۇمىس ىستەگەنى ءۇشىن قوسىمشا اقىلار جاتقىزىلادى. جالاقىنىڭ اۋىسپالى بولىگىنە جۇمىس بەرۋشىنىڭ اكتىلەرىندە ايقىندالعان كورسەتكىشتەردىڭ ورىندالۋىنا بايلانىستى تولەنەتىن, ايدىڭ نەمەسە توقساننىڭ جۇمىس قورىتىندىلارى بويىنشا سىياقىلار (اقشالاي سىياقىلار) جاتقىزىلادى. بىرجولعى ىنتالاندىرۋشى تولەمدەرگە جىلدىڭ جۇمىس قورىتىندىلارى بويىنشا سىياقىلار (اقشالاي سىياقىلار), بىرجولعى اقشالاي سىياقىلار (مەرەيتوي, مەرەكە كۇندەرىنە جانە ت.ب.), بىرجولعى سيپاتتاعى جۇمىستاردى ورىنداۋ قورىتىندىلارى بويىن­شا سىياقى جاتقىزىلادى. 3.4.  جالاقىنى يندەكستەۋدى جۇمىس بەرۋشi قازاقستان رەسپۋبليكاسىنىڭ نورماتيۆتiك قۇقىقتىق اكتiلەرiندە تيiستi كەزەڭگە ايقىندالعان ينفلياتسيا دەڭگەيiن نەگiزگە الا وتىرىپ, ۇجىمدىق شارتتا نەمەسە جۇمىس بەرۋشiنiڭ اكتiسiندە بەلگiلەنگەن تارتiپپەن جۇرگiزەدى. 3.5. حيميا سالاسى قىزمەتكەرلەرىنە جالاقى قر ەك نورمالارىندا بەلگىلەنگەن جانە ۇجىمدىق شارتتارمەن ناقتىلانعان مەرزىمدەردە اقشالاي نىساندا ايىنا كەمىندە ءبىر رەت تولەنەدى. ۇستەمە جۇمىس ۋاقىتىنا, مەرەكە جانە دەمالىس كۇندەرىندەگى جۇمىسقا اقى تولەۋ, تۇنگى ۋاقىتتاعى جۇمىستارعا تولەۋ, جۇمىس بەرۋشىنىڭ كىناسىنەن جۇمىستىڭ بوس تۇرىپ قالۋ ۋاقىتىنا تولەۋ ەڭبەك زاڭناماسىنىڭ نورمالارىندا كوزدەلگەن مولشەردە جۇرگىزىلەدى. جالاقىدان ۇستاپ قالۋ قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا جۇرگىزىلەدى. جالاقى جانە قىزمەتكەرمەن ەڭبەك شارتىن بۇزۋعا بايلانىستى وزگە دە تولەمدەر ەڭبەك زاڭناماسىندا كوزدەلگەن مەرزىمدەردە تولەنبەگەن جاعدايدا, جۇمىس بەرۋشى قىزمەتكەرگە بەرەشەك پەن وسىماقىنى تولەيدى, وسىماقى مولشەرى جالاقى تولەۋ جونىندەگى مىندەتتەمەلەردى ورىنداۋ كۇنىنە قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋ ستاۆكاسىن نەگىزگە الا وتىرىپ, ءاربىر كەشىكتىرىلگەن كۇن ءۇشىن ەسەپتەلەدى. 3.6. جۇمىس بەرۋشى ەڭبەك نورمالارىن ازىرلەۋدى, جاڭادان ەنگىزۋدى, قولدانىستاعى ەڭبەك نورمالارىن اۋىستىرۋدى جانە قايتا قاراۋدى قىزمەتكەرلەر وكىلدەرىمەن (كاسىپورىننىڭ كاسىپوداق ورگاندارىمەن) كەلىسە وتىرىپ, ەڭبەكتىڭ ۇلگىلىك نورمالارى مەن نورماتيۆتەرىن ەسكەرىپ جۇرگىزەدى. IV. جۇمىس ۋاقىتى مەن تىنىعۋ ۋاقىتى 4.1. سالا كاسىپورىندارىنداعى جۇمىس ۋاقىتى مەن تىنىعۋ ۋاقىتى ىشكى ەڭبەك تارتىپتەمەسىنىڭ ەرەجەلەرىمەن, ەڭبەك جانە ۇجىمدىق شارتتارمەن رەگلامەنتتەلەدى. جۇمىس بەرۋشىلەر كاسىپورىندار مەن ۇيىمداردا قىزمەتكەرلەردىڭ ناقتى جۇمىس ىستەگەن جۇمىس ۋاقىتىن تولىق ەسەپكە الۋدى جۇزەگە اسىرادى. قىزمەتكەرلەردىڭ جۇمىس ۋاقىتىنىڭ قالىپتى ۇزاقتىعى اپتاسىنا 40 ساعاتتان اسپاۋعا ءتيىس. جۇمىس ۋاقىتىنىڭ جيىنتىق ەسەبى كەزىندە جۇمىس ۋاقىتىنىڭ ۇزاقتىعى ءبىر جىلدان اسىرۋعا بولمايتىن ەسەپتىك كەزەڭدەگى جۇمىس ساعاتتارىنىڭ قالىپتى سانىنان اسپايتىن جاعدايدا, ول تاۋلىگىنە 12 ساعاتتان ارتىق بولماۋى ءتيىس. اۋىر جۇمىستاردا, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەر ءۇشىن جۇمىس ۋاقىتىنىڭ اپتاسىنا 36 ساعاتتان اسپايتىن قىسقارتىلعان ۇزاقتىعى بەلگىلەنەدى (قر ەك 202-بابى 1-تارماعى). 4.2. جۇمىس بەرۋشى جۇمىس ۋاقىتىنىڭ, تىنىعۋ ۋاقىتى مەن ەڭبەك دەمالىستارىنىڭ ۇزاقتىعىن بەلگىلەۋدى, قر ەك 12-بابىندا كوزدەلگەن تارتىپپەن كاسىپورىندار كاسىپوداعىنىڭ سايلانبالى ورگاندارىمەن كەلىسە وتىرىپ جۇزەگە اسىرادى. 4.3. جۇمىس ۋاقىتىنىڭ قالىپتى ۇزاقتىعىنىڭ شەگىنەن اساتىن جۇمىسقا (ۇستەمە جۇمىسقا), قر ەك 90-بابىندا كوزدەلگەن جاعدايلاردى قوسپاعاندا, قىزمەتكەردىڭ جازباشا كەلىسىمىمەن قر ەك تالاپتارىنا سايكەس جول بەرىلەدى. مەرەكە جانە دەمالىس كۇندەرى جۇمىستى ۇيىمداستىرۋ جانە ەڭبەككە اقى تولەۋ ەڭبەك زاڭناماسىنا سايكەس جۇرگىزىلەدى. 4.4. تاراپتار سالا كاسىپورىندارى مەن ۇيىمدارىندا جىل سايىنعى ەڭبەك دەمالىسىنىڭ ۇزاقتىعى كۇنتىزبەلىك 24 كۇننەن كەم بولمايتىندىعى تۋرالى كەلىستى, بۇل رەتتە ەڭبەك جانە ۇجىمدىق شارتتاردىڭ تالاپتارىمەن ەڭبەك دەمالىسىنىڭ ودان دا كوپ ۇزاقتىعى بەلگىلەنۋى مۇمكىن. جۇمىس بەرۋشىلەر ەڭبەك دەمالىسىنا اقى تولەۋدى ول باستالاردان كۇنتىزبەلىك ءۇش كۇننەن كەشىكتىرمەي, ال ەڭبەك دەمالىسى كەستەدەن تىس بەرىلگەن جاعدايدا – ول بەرىلگەن كۇننەن باستاپ كۇنتىزبەلىك ءۇش كۇننەن كەشىكتىرمەي جۇرگىزەدى. 4.5. سالا قىزمەتكەرلەرىنە قر ەك-گە سايكەس اقىلى قوسىمشا ەڭبەك دەمالىستارى بەرىلەدى. ۇجىمدىق شارتتاردا جىل سايىنعى اقىلى قوسىمشا ەڭبەك دەمالىسىنىڭ ودان دا كوپ ۇزاقتىعى كوزدەلۋى مۇمكىن, سونداي-اق ۇزدىكسىز ۇزاق جۇمىسى, ماڭىزدى, كۇردەلى, جەدەل جانە وزگە دە سيپاتتاعى جۇمىستاردى ورىنداعانى ءۇشىن كوتەرمەلەۋ سيپاتىندا جىل سايىنعى اقىلى قوسىمشا ەڭبەك دەمالىستارى بەلگىلەنۋى مۇمكىن. 4.6. جۇمىس بەرۋشى: - نەكە تىركەلگەن; - بالا تۋىلعان; - جاقىن تۋىستارى قايتىس بولعان; - ەڭبەك, ۇجىمدىق شارتتا كوزدەلگەن وزگە دە جاعدايلار كەزىندە قىزمەتكەردىڭ جازباشا ءوتىنىشى نەگىزىندە كۇنتىزبەلىك بەس كۇنگە دەيىن جالاقى ساقتالمايتىن دەمالىس بەرۋگە مىندەتتى. ۇجىمدىق شارتتا جالاقى ساقتالاتىن جوعارىدا كورسەتىلگەن دەمالىستاردى بەرۋ كوزدەلۋى مۇمكىن. 4.7. تاراپتار سالا قىزمەتكەرلەرىن جالاقى ساقتالمايتىن دەمالىسقا شىعۋعا, نە قايتا ۇيىمداستىرۋ كەزىندە نەمەسە قىزمەتكەرلەر سانىنىڭ نەمەسە شتاتىنىڭ قىسقارتىلۋىنا بايلانىستى, قىزمەتكەردىڭ باستاماسى بويىنشا ەڭبەك شارتىن بۇزۋعا ماجبۇرلەۋگە جول بەرمەيدى. 4.8. قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنداعى كاسىپتىك جانە وزگە دە مەرەكەلەر تۋرالى» 1998 جىلعى 20 قاڭتارداعى №3827 جارلىعىنا سايكەس مامىردىڭ سوڭعى جەكسەنبىسى - «حيميا ونەركاسىبى قىزمەتكەرلەرىنىڭ كۇنى» كاسىبي مەرەكەسى بولىپ سانالادى. بۇل كۇنى نەمەسە ونىڭ قارساڭىندا جۇمىس بەرۋشىلەر كاسىپوداقتارمەن بىرلەسىپ, كاسىپورىنداردا, ۇيىمدار مەن كومپانيالاردا ونەركاسىپ وزاتتارىنا قۇرمەت كورسەتە وتىرىپ, سالتاناتتى جينالىستار وتكىزەدى. بۇل كۇنى جۇمىسقا ەكى ەسە مولشەردە اقى تولەۋ جۇرگىزىلەدى. 4.9. جۇمىس بەرۋشىلەر قىزمەتكەرلەردىڭ كاسىبي دايارلىقتان, قايتا دايارلىقتان ءوتۋىن جانە ولاردىڭ بىلىكتىلىگىن ارتتىرۋدى قامتاماسىز ەتەدى. V. ەڭبەك جاعدايلارى مەن ەڭبەكتى قورعاۋ كەلىسىم جاساسقان تاراپتار وزىنە مىناداي مىندەتتەمەلەردى قابىلدايدى: 5.1. جۇمىس بەرۋشىلەر: 5.1.1. سالا كاسىپورىندارىندا پروفيلاكتيكا جۇرگىزۋ, جابدىقتار مەن تەحنولوگيالىق پروتسەستەردى نەعۇرلىم قاۋىپسىز جابدىقتار مەن تەحنولوگيالىق پروتسەستەرگە الماستىرۋ جولىمەن جۇمىس ورىندارى مەن تەحنولوگيالىق پروتسەستەردە كەز كەلگەن قاۋىپ-قاتەردى بولدىرماۋ بويىنشا شارالار قابىلدايدى, ەڭبەكتىڭ جاي-كۇيىنە جانە ەڭبەك جاعدايلارىنا ىشكى باقىلاۋدى ۇيىمداستىرادى. 5.1.2. جۇمىسقا جاڭادان قابىلداناتىن قىزمەتكەرلەردى ەڭبەك جاعدايلارى, ەڭبەك زياندىلىعى مەن قاۋىپتىلىگىنىڭ دارەجەسى, دەنساۋلىققا ىقتيمال قولايسىز سالدارى, قاجەتتى جەكە قورعانۋ زاتتارى, وتەماقىلار, ەڭبەك ەتۋ جانە تىنىعۋ ءتارتىبى تۋرالى اقپاراتتاندىرادى. ەڭبەك جاعدايلارىنىڭ سيپاتتامالارى, اۋىر جۇمىستار, زياندى نەمەسە قاۋىپتى ەڭبەك جاعدايلارىندا جۇمىس ىستەگەنى ءۇشىن وتەماقىلار مەن جەڭىلدىكتەر قىزمەتكەرلەرمەن جاسالاتىن ەڭبەك شارتتارىندا كورسەتىلەدى. 5.1.3. كاسىپوداق وكىلدەرىنىڭ قاتىسۋىمەن, كەمىندە بەس جىلدا ءبىر رەت, وندىرىستىك وبەكتىلەرگە قاۋىپتى جانە زياندى وندىرىستىك فاكتورلاردىڭ پارامەترلەرىن ولشەۋمەن, ەڭبەك پروتسەسىنىڭ اۋىرلىعى مەن قاۋىرتتىلىعىن ايقىنداۋمەن, وندىرىستىك جابدىقتىڭ جاراقات قاۋىپسىزدىگىن, جەكە قورعانۋ زاتتارىمەن قامتاماسىزدىعىن باعالاۋمەن ەڭبەك جاعدايلارىنىڭ جاي-كۇيى بويىنشا كەزەڭدىلىك اتتەستاتتاۋدى جانە ەڭبەك جونىندەگى ۋاكىلەتتى مەملەكەتتىك ورگانمەن بەكىتىلگەن ەرەجەلەرگە سايكەس رەكونسترۋكتسيالاۋدان, جاڭعىرتۋدان, جاڭا تەحنيكانى نەمەسە تەحنولوگيانى ورناتۋدان كەيىن مىندەتتى اتتەستاتتاۋدى جۇرگىزۋدى ۇيىمداستىرادى. 5.1.4. قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, سونداي-اق ەڭبەك جاعدايلارى وزگەرەتىن باسقا قىزمەتكە اۋىستىرۋ, نەمەسە كاسىپتىك اۋرۋلار بەلگىلەرى ايقىندالعان كەزدە مىندەتتى, مەرزىمدىك (وندىرىستىك قىزمەتى بارىسىندا) مەديتسينالىق تەكسەرىپ-قاراۋدى جانە اۋىسىم الدىنداعى مەديتسينالىق كۋالاندىرۋدى ءوز قاراجاتى ەسەبىنەن قامتاماسىز ەتەدى. قىزمەتكەر مەديتسينالىق تەكسەرىپ-قاراۋدان جانە اۋىسىم الدىنداعى مەديتسينالىق كۋالاندىرۋدان باس تارتقان جاعدايدا, جۇمىس بەرۋشى ونى جۇمىستان ۋاقىتشا شەتتەتە تۇرادى. مەديتسينالىق قارسى ايعاقتار بولعان جاعدايدا جۇمىس بەرۋشى قىزمەتكەرگە ەڭبەك مىندەتتەمەلەرىن ورىنداۋعا رۇقسات بەرمەيدى جانە ونى مەديتسينالىق ۇسىنىمدارعا سايكەس جۇمىسقا ورنالاستىرۋ تۋرالى ماسەلەنى شەشەدى. 5.1.5. قولدانىستاعى زاڭناماعا سايكەس قىزمەتكەرلەردى سۇتپەن, ەمدىك-پروفيلاكتيكالىق تاعاممەن, ارناۋلى كيىممەن, ارناۋلى اياق كيىممەن جانە باسقا دا جەكە جانە ۇجىمدىق قورعانۋ قۇرالدارىمەن, پروفيلاكتيكالىق وڭدەۋ (جۋ جانە دەزينفەكتسيالاۋ) قۇرالدارىمەن, سانيتاريالىق-تۇرمىستىق ءۇي-جايلارمەن جانە قۇرىلعىلارمەن جۇمىس بەرۋشىنىڭ قاراجاتى ەسەبىنەن قامتاماسىز ەتەدى. 5.1.6. دۇلەي اپاتتى, اۆاريالاردى بولدىرماۋ نەمەسە جويۋ نەمەسە زارداپتارىن دەرەۋ جويۋ ماقساتىندا, جازاتايىم وقيعالاردى, بوس تۇرىپ قالۋدى, م ۇلىكتىڭ جويىلۋىن نەمەسە ءب ۇلىنۋىن بولدىرماۋ ءۇشىن جانە باسقا دا ەرەكشە جاعدايلاردا جۇمىستار ورىنداۋ جانە ولارعا اقى تولەۋ تالاپتارى جۇمىس بەرۋشىنىڭ اكتىسىندە ايقىندالادى. 5.1.7. ەڭبەكتى قورعاۋ, قىزمەتكەر ەڭبەك مىندەتتەمەلەرىن ورىنداعان كەزدە ونى جازاتايىم وقيعالاردان مىندەتتى ساقتاندىرۋ جونىندەگى ءىس-شارالاردى قارجىلاندىرۋعا قاجەتتى قاراجات بولەدى. 5.1.8. ءتيىستى وقۋ وتكەن جاعدايدا, كاسىپوداق وكىلدەرىنىڭ, كاسىپوداقتىڭ ەڭبەكتى قورعاۋ جونىندەگى قوعامدىق ينسپەكتورلارىنىڭ وندىرىستەگى جازاتايىم وقيعالاردى, كاسىپتىك اۋرۋلاردى, قاۋىپتى وندىرىستىك وبەكتىلەردەگى اۆاريالار مەن وقيعالاردى تەرگەپ-تەكسەرۋ جونىندەگى كوميسسيالارعا قاتىسۋىن قامتاماسىز ەتەدى. 5.1.9. جىلدىڭ سۋىق مەزگىلىندە اشىق اۋادا جۇمىس ىستەيتىن قىزمەتكەرلەرگە جۇمىس ۋاقىتىنا ەنگىزىلەتىن تىنىعۋعا ارنالعان ارنايى ۇزىلىستەر بەرەدى. قىزمەتكەرلەردى تىنىعۋعا ارنالعان جابدىقتالعان ءۇي-جايلارمەن قامتاماسىز ەتەدى. ارنايى ۇزىلىستەر بەرۋ ۇزاقتىعى مەن ءتارتىبى ۇجىمدىق شارتتاردا نەمەسە جۇمىس بەرۋشىنىڭ ىشكى اكتىلەرىندە بەلگىلەنەدى. 5.2. سالالىق كاسىپوداق, ونىڭ قۇرىلىمدىق بولىمشەلەرى جانە وقشاۋلانعان كاسىپوداقتار: 5.2.1. سالا وندىرىسىندەگى قاۋىپسىز جانە سالاۋاتتى ەڭبەك جاعدايلارىنىڭ ساقتالۋىن قوعامدىق باقىلاۋدى ۇيىمداستىرادى جانە قامتاماسىز ەتەدى, ەڭبەكتى قورعاۋ جونىندەگى قوعامدىق ينسپەكتورلاردى سايلايدى. 5.2.2. وسى كەلىسىمنىڭ, ۇجىمدىق شارتتاردىڭ, ەڭبەك جاعدايلارىن جانە قورعالۋىن جاقسارتۋ, وندىرىستىك وبەكتىلەردە بولاتىن جازاتايىم وقيعالاردىڭ, كاسىپتىك اۋرۋلاردىڭ, قاۋىپتى اۆاريالاردىڭ سەبەپتەرىن جويۋ بويىنشا ءىس-شارالاردىڭ ورىندالۋىن تەكسەرۋدى ۇيىمداستىرادى. 5.2.3. وندىرىستەگى ەڭبەك پەن تۇرمىستى ۇزدىك ۇيىمداستىرۋشىعا رەسپۋبليكالىق قوعامدىق بايقاۋ-كونكۋرسىن, ۇيىمدارداعى ەڭبەك جاعدايلارىن جاقسارتۋ بويىنشا ءارتۇرلى سالالىق جانە وڭىرلىك كونكۋرستاردى ۇيىمداستىرادى جانە ولاردىڭ وتكىزىلۋىنە قاتىسادى. 5.2.4. وسى كەلىسىمنىڭ شەڭبەرىندە اتقارۋشى بيلىك ورگاندارىمەن, مەملەكەتتىك باقىلاۋ جانە قاداعالاۋ ورگاندارىمەن, جۇمىس بەرۋشىلەرمەن ەڭبەكتى, دەنساۋلىقتى قورعاۋ جانە وندىرىستىك قاۋىپسىزدىك جاي-كۇيىنىڭ شارتتارى بولىگىندە تىعىز ءوزارا ءىس-قيمىلداردى جۇزەگە اسىرادى. 5.2.5. وندىرىستىك وبەكتىلەردە بولاتىن جازاتايىم وقيعالاردى, جاراقات الۋدى, كاسىپتىك اۋرۋلاردى تەرگەپ-تەكسەرۋگە قاتىسادى, ولاردى تالدايدى, ولاردىڭ دەڭگەيىن تومەندەتۋ بويىنشا ءىس-شارالاردى ازىرلەۋگە قاتىسادى, ولاردىڭ ورىندالۋىن باقىلايدى. 5.2.6. ءتيىستى كاسىپورىننىڭ, ۇيىمنىڭ ەڭبەكتى قورعاۋ جونىندەگى كاسىپوداق ورگاندارىنىڭ قوعامدىق ينسپەكتورلارى جۇمىس بەرۋشىنىڭ وكىلدەرىمەن بىرلەسىپ جۇمىس ورىندارىنداعى ەڭبەكتى قورعاۋ جاي-كۇيىنە تەكسەرۋلەر جۇرگىزەدى, انىقتالعان بۇزۋشىلىقتاردى جويۋ جانە كىنالى تۇلعالاردى جاۋاپكەرشىلىككە تارتۋ تۋرالى ۇسىنىستار ەنگىزەدى. 5.2.7. كاسىپوداق مۇشەلەرىنە ولاردىڭ قاۋىپسىز جانە سالاۋاتتى ەڭبەك جاعدايلارىنا قۇقىقتارىن قورعاۋدا, ەرەكشە جاعدايلاردا جۇمىس ىستەگەنى ءۇشىن وتەماقىلار بەرۋدە ءىس جۇزىندە كومەك كورسەتەدى, مەملەكەتتىك بيلىك ورگاندارىندا, سوتتا, باسقا دا قاداعالاۋ, قۇقىق قورعاۋ جانە باقىلاۋ ورگاندارىندا ولاردىڭ مۇددەلەرىن بىلدىرەدى. VI. قىزمەتكەرلەردى الەۋمەتتىك قورعاۋ بويىنشا ءىس-شارالار, كەپىلدىكتەر, وتەماقىلار جانە جەڭىلدىكتەر تاراپتار كەلەسىلەر جونىندە كەلىسىمگە كەلدى: 6.1. قىزمەتكەرلەر سانىن نەمەسە شتاتىن قىسقارتۋ بويىنشا ءىس-شارالاردى وتكىزۋ كەزىندە بىلىكتىلىكتەرى تەڭ بولعان جاعدايدا 4 نەمەسە ودان كوپ اسىراۋىنداعىلار بار قىزمەتكەرلەردىڭ جۇمىس ورىندارىن ساقتاپ قالۋىنا باسىمدىق قۇقىقتى قامتاماسىز ەتەدى. 6.2. سالا قىزمەتكەرلەرىنە الەۋمەتتىك جاردەماقىلار جانە ماتەريالدىق كومەك تاعايىنداۋ جانە تولەۋ شارتتارى, ءتارتىبى ۇجىمدىق شارتتاردا جانە/نەمەسە جۇمىس بەرۋشىنىڭ اكتىلەرىندە, سالا كاسىپورىندارى مەن ۇيىمدارىنىڭ ەڭبەكشىلەرىن الەۋمەتتىك قولداۋ تۋرالى ەرەجەلەردە بەلگىلەنەدى. 6.3. كاسىپورىندار مەن ۇيىمداردا قالىپتاسقان كەپىلدىكتەر, جەڭىلدىكتەر مەن وتەماقىلار جۇيەسىن ساقتاۋ ءۇشىن ۇجىمدىق شارتتاردا الەۋمەتتىك كەپىلدىكتەر مەن جەڭىلدىكتەردىڭ مىناداي تۇرلەرى كوزدەلۋى مۇمكىن: • ماتەريالدىق كومەك; • قىزمەتكەرلەرگە مەديتسينالىق قىزمەت كورسەتۋدى ۇيىمداستىرۋ; • سالاۋاتتى ءومىر سالتىن ناسيحاتتاۋ جانە قىزمەتكەرلەردىڭ قاتىسۋىمەن سپورتتىق ءىس-شارالار ۇيىمداستىرۋ; • مەملەكەتتىك ناگرادالار, مەملەكەتتىك ناگرادالارعا جاتقىزىلمايتىن ەرەكشەلىك بەلگىلەرىن, سونداي-اق كاسىپورىن ىشىندەگى ماراپاتتاۋدىڭ جەكەلەگەن تۇرلەرىن العان قىزمەتكەرلەردى بىرجولعى ماراپاتتاۋ; • قىزمەتكەرلەردى مەرەكەلىك كۇندەرگە جانە كاسىبي مەرەكەلەرگە, مەرەيتوي كۇندەرىنە جانە ەڭبەگى سىڭگەن دەمالىسقا كەتۋگە ورايلاستىرىلعان بىرجولعى ماراپاتتاۋ; • قىزمەتكەرلەر ءۇشىن تۇرعىن ۇيلەر ساتىپ الۋ; • قىزمەتكەرلەردىڭ ساۋىقتىرۋىنا بەرىلەتىن الەۋمەتتىك جەڭىلدىكتەر (نە ماتەريالدىق كومەك تۇرىندە, نە ەمدەلۋگە جانە دەمالۋعا جولدامالار بەرۋ تۇرىندە); • ۋاقىتشا ەڭبەككە جارامسىزدىق بويىنشا جاردەماقىلار تولەمىنىڭ جوعارعى مولشەرى, نە ەمدەلۋ شىعىندارىن وتەۋ ءتارتىبى, نە قىزمەتكەرلەردى مەديتسينالىق ساقتاندىرۋ; • الەۋمەتتىك قولداۋدىڭ باسقا دا تۇرلەرى. 6.4. جۇمىس بەرۋشىلەر قاراجاتى بار بولعان كەزدە الەۋمەتتىك وبەكتىلەردى (دەمالىس بازالارىن, بالالاردى ساۋىقتىرۋ لاگەرلەرىن, كلۋبتىق مەكەمەلەر مەن سپورت قۇرىلىستارىن) جانە ولاردىڭ قىزمەتكەرلەرىن ۇستاۋعا قاراجات بولە الادى. 6.5. جۇمىس بەرۋشىلەر مادەني-كوپشىلىك جانە ساۋىقتىرۋ جۇمىستارىن جۇرگىزۋ ءۇشىن كاسىپورىننىڭ كاسىپوداق ورگاندارىنا مولشەرى تاراپتاردىڭ ءوزارا كەلىسىمىمەن ايقىندالاتىن قاراجات بولە الادى. 6.6. كاسىپوداقتار كاسىپورىنداردىڭ كاسىپوداق ۇيىمدارى ارقىلى قىزمەتكەرلەر اراسىندا دەنە شىنىقتىرۋ-سپورتتىق جانە مادەني-كوپشىلىك ءىس-شارالاردى ۇيىمداستىرادى, ال سالالىق كاسىپوداقتىڭ ورتالىق ورگانى وسىنداي ءىس-شارالاردى حالىقارالىق جانە رەسپۋبليكالىق دەڭگەيلەردە ۇيىمداستىرادى. VII. جۇمىسپەن قامتۋ 7.1. جۇمىس بەرۋشىلەر: • جۇمىس ورىندارىنىڭ قىسقارتۋىنا الىپ كەلەتىن ءوندىرىستىڭ تاراتۋىمەن, قايتا ۇيىمداستىرۋىمەن, مەنشىك نىسانىنىڭ وزگەرتۋىمەن, تولىق نەمەسە ءىشىنارا توقتاتىلۋىمەن بايلانىستى ماسەلەلەر بويىنشا كاسىپورىننىڭ كاسىپوداق ورگاندارىن جاعداي ورىن العانعا دەيىن ەكى ايدان كەشىكتىرمەي ەسكەرتەدى جانە ولارمەن ءتيىستى كونسۋلتاتسيالار جۇرگىزەدى; • ءاربىر قىزمەتكەردى الداعى جۇمىستان بوساتۋ تۋرالى, ءوندىرىستى ۇيىمداستىرۋداعى, سونىڭ ىشىندە قايتا ۇيىمداستىرۋداعى وزگەرىستەرمەن جانە/نەمەسە جۇمىس بەرۋشىنىڭ جۇمىس كولەمىنىڭ قىسقارتۋىمەن بايلانىستى ەڭبەك جاعدايلارىنىڭ وزگەرۋى تۋرالى, جۇمىس بەرۋشى تاراتىلعان, قىزمەتكەرلەر سانى نەمەسە شتاتى قىسقارتىلعان جاعدايلاردا ەڭبەك شارتىنىڭ بۇزىلۋى تۋرالى جازباشا تۇردە ءبىر ايدان كەشىكتىرمەي ەسكەرتەدى; • ەسكەرتۋمەن قاتار بىلىكتىلىگىن, جۇمىس تاجىريبەسى مەن دەنساۋلىق جاعدايىن ەسكەرە وتىرىپ بار بولعان كەزدە باسقا جۇمىس ۇسىنادى. قىزمەتكەر ۇسىنىلعان جۇمىستان جازباشا تۇردە باس تارتقان جاعدايدا, قازاقستان رەسپۋبليكاسىنىڭ ەڭبەك زاڭناماسىنا سايكەس ەڭبەك شارتى بۇزىلادى; • قىزمەتكەر الداعى ەڭبەك شارتىنىڭ بۇزىلۋى تۋرالى ەسكەرتىلگەن ساتتەن باستاپ ەڭبەك شارتىن بۇزۋ كۇنىنە دەيىن قىزمەتكەرگە جاڭا جۇمىس ورنىن ىزدەۋ ءۇشىن ءۇش كۇنگە دەيىن بوس ۋاقىت بەرىلەدى; • وندىرىستە قۇرىلىمدىق وزگەرىستەر بولعان جاعدايدا, جۇمىس بەرۋشى قىسقارتىلاتىن جۇمىس ورىندارىنان جاڭادان قۇرىلاتىن جۇمىس ورىندارىنا الماستىرۋ ءۇشىن قىزمەتكەرلەردى قايتا وقىتۋ مۇمكىندىگىن قاراستىرادى. 7.2. جۇمىس بەرۋشىلەر كاسىپوداقپەن كەلىسە وتىرىپ, مەرزىمىنەن بۇرىن زەينەتكە شىعۋ بويىنشا, اسىرەسە, اۋىر جانە زياندى وندىرىستەردىڭ قىزمەتكەرلەرى ءۇشىن باعدارلامانى ازىرلەۋى جانە قولدانۋى مۇمكىن. VIII. كاسىپوداق قىزمەتىنىڭ كەپىلدىكتەرى 8.1. جۇمىس بەرۋشىلەر جانە مينيسترلىك كاسىپوداقتاردىڭ جانە ونىڭ ۇيىمدارىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ءوز مۇشەلەرىنىڭ قۇقىقتارى مەن زاڭدى مۇددەلەرىنىڭ ساقتالۋىنا قوعامدىق باقىلاۋدى جۇزەگە اسىرۋ قۇقىقتارىن مويىندايدى. 8.2. جۇمىس بەرۋشىلەر: • كاسىپوداق, ونىڭ فيليالدارى مەن وكىلدىكتەرى, كاسىپوداقتاردىڭ وقشاۋلانعان ۇيىمدارى وكىلدەرىنىڭ بەلگىلەنگەن ءتارتىپتى ساقتاي وتىرىپ, وسى كەلىسىمدە كوزدەلگەن مىندەتتەمەلەردى ورىنداۋ ءۇشىن, كاسىپوداق مۇشەلەرى جۇمىس ىستەيتىن كاسىپورىنداردىڭ كاسىپوداق ۇيىمدارىنا جانە ولاردىڭ جۇمىس ورىندارىنا بارۋلارىنا كەدەرگى كەلتىرمەيدى; • تاراپتاردىڭ كەلىسىمى بويىنشا كاسىپوداقتاردىڭ وتەۋسىز پايدالانۋىنا ماتەريالدىق جانە تەحنيكالىق قۇرالداردى بەرەدى; • تاراپتاردىڭ كەلىسىمى بويىنشا جانە كاسىپوداق مۇشەلەرى بولىپ تابىلاتىن قىزمەتكەرلەردىڭ جازباشا وتىنىشتەرى بولعان كەزدە, جۇمىس بەرۋشى قىزمەتكەرلەردىڭ جالاقىسىن ۇجىمدىق شارتتا بەلگىلەنگەن مەرزىمدەردە تولەۋمەن ءبىر مەزگىلدە جالاقىسىنان مۇشەلىك كاسىپوداق جارنالارىن اي سايىن ۇستايدى جانە كاسىپوداق ەسەپ-شوتىنا اۋدارادى; • وندىرىستىك جۇمىستان بوساتىلماعان قىزمەتكەرلەرگە ۇجىم مۇددەسىنە كاسىپوداق جۇمىسىن جۇرگىزۋ ءۇشىن, سونداي-اق سايلانبالى كاسىپوداق ورگاندارىنىڭ سەزدەرىنە, كونفەرەنتسيالارىنا دەلەگات رەتىندە قاتىسۋ ءۇشىن, كاسىپوداق وقۋلارىنا جالاقىسىن ساقتاي وتىرىپ ۋاقىت بەرەدى. نەعۇرلىم ىقتيمال جۇمىستان بوساتۋ ۇزاقتىعى ۇجىمدىق شارتتاردا بەلگىلەنەدى; • كاسىپوداق ورگاندارىنا سايلانبالى لاۋازىمدارعا سايلاۋ سەبەبىنەن كاسىپورىندار مەن ۇيىمدارداعى جۇمىستان بوساتىلعان كاسىپوداق قىزمەتكەرلەرىنە ولاردىڭ وكىلەتتىكتەرىنىڭ مەرزىمى اياقتالعاننان كەيىن بۇرىنعى جۇمىسى (لاۋازىمى), ال ول جوق بولعان جاعدايدا – سول ۇيىمداعى تەڭ جۇمىس (لاۋازىم) ۇسىنىلادى; • ۇجىمدىق شارتتاردا ءتيىستى ەرەجەلەر بولعان كەزدە, ۇيىم قىزمەتكەرلەرى ءۇشىن كوزدەلگەن الەۋمەتتىك-ەڭبەك قۇقىقتارى مەن جەڭىلدىكتەردى كاسىپوداقتىڭ باستاپقى ۇيىمدارىنىڭ ورگاندارىنا سايلانعان, بوساتىلعان كاسىپوداق قىزمەتكەرلەرىنە دە بەرەدى; • كاسىپوداقتارعا, ولاردىڭ فيليالدارى مەن وكىلدىكتەرىنە, وقشاۋلانعان ۇيىمدارىنا ولاردىڭ الدىن الا وتىنىمدەرى بويىنشا اقپاراتتارىن كورۋ ءۇشىن جالپىعا بىردەي قولجەتىمدى ورىنداردا ورنالاستىرۋ مۇمكىندىگىن بەرە وتىرىپ, جينالىستار وتكىزۋ ءۇشىن بوس ءۇي-جايلاردى وتەۋسىز نەگىزدە ۇسىنادى. IX. قورىتىندى ەرەجەلەر 9.1. وزدەرىنە قابىلدانعان مىندەتتەمەلەردى بۇزعانى ءۇشىن تاراپتار قازاقستان رەسپۋبليكاسىنىڭ زاڭناماسىنا جانە كەلىسىمگە سايكەس جاۋاپتى بولادى. 9.2. كەلىسىمنىڭ ورىندالۋىن باقىلاۋدى الەۋمەتتىك ارىپتەستىك تاراپتارى جۇزەگە اسىرادى. الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى سالالىق كوميسسيا, ءوزى بەكىتكەن تارتىپكە سايكەس تاراپتاردىڭ وسى كەلىسىمنىڭ ەرەجەلەرىن بۇزعانى تۋرالى ماسەلەلەردى قاراۋعا قۇقىلى جانە ولاردى جويۋ بويىنشا شارالار قابىلدايدى. 9.3. كەلىسىمدى ىسكە اسىرۋ بارىسىندا تۋىندايتىن بارلىق داۋلى ماسەلەلەر كوميسسيا وتىرىسىندا, ال كەلىسپەۋشىلىكتەر تۋىنداعان جاعدايدا قازاقستان رەسپۋبليكاسىنىڭ زاڭناماسىنا سايكەس سوت تارتىبىمەن شەشىلەدى. 9.4. كەلىسىم بىردەي زاڭدى كۇشى بار مەملەكەتتىك جانە ورىس تىلدەرىندەگى ءتورت دانادا جاسالىپ, قول قويىلدى. سالا كاسىپورىندارىندا جۇمىس بەرۋشىلەر مەن كاسىپوداق كەلىسىمدى وعان قول قويىلعان كۇننەن باستاپ 1 اي مەرزىمى ىشىندە قىزمەتكەرلەردىڭ نازارىنا جەتكىزۋدى بىرلەسىپ قامتاماسىز ەتەدى. كەلىسىم ءماتىنى بۇقارالىق اقپارات قۇرالدارىندا جاريالانادى. 9.5. سالالىق دەڭگەيدە ۋاكىلەتتى مەملەكەتتىك ورگان بولىپ تابىلاتىن مينيسترلىك قر ەك 278-ب. 5-ت. سايكەس كەلىسىمنىڭ رەسمي جاريالانۋىن قامتاماسىز ەتەدى. 9.6. كەلىسىم 2015 جىلعى 1 قاڭتاردان باستاپ كۇشىنە ەنەدى جانە 2017 جىلعى 31 جەلتوقسانعا دەيىن قولدانىستا بولادى. كەلىسىم وعان تاراپتاردىڭ قولى قويىلعان كۇننەن باستاپ كۇنتىزبەلىك 10 كۇن ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىندە تىركەلۋگە ءتيىس. تاراپتاردىڭ وكىلەتتى وكىلدەرىنىڭ قولدارى قر ينۆەستيتسيالار جانە دامۋ مينيسترلىگى اتىنان: ۆيتسە-مينيستر ا.راۋ. قىزمەتكەرلەر اتىنان: سالالىق كاسىپوداق توراعاسى ك.پىرىمقۇل ۇلى. جۇمىس بەرۋشىلەر اتىنان: قر ۇكپ باسقارما مۇشەسى – باسقارماتوراعاسىنىڭ ورىنباسارى ن.التاەۆ. «قازحيمپروم» زتب باسقارما توراعاسى و.پاك. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىندە 2015 جىلعى 12 اقپان № 2 تىركەلدى.