كەزدەسۋ بارىسىندا ايدا بالاەۆا ۇيىم باسشىسى ورىنباسارىنا ء«ۇستىرت» ارالاس مۇرا وبەكتىسىنىڭ نوميناتسيالىق قۇجاتتاماسىن تابىستادى. جوبا قر مادەنيەت جانە اقپارات مينيسترلىگى تاراپىنان دۇنيەجۇزىلىك مۇرا ورتالىعىنا الدىن الا باعالاۋ ءۇشىن جانە يۋنەسكو-نىڭ دۇنيەجۇزىلىك مۇرالار تىزىمىنە ەنگىزۋ ماقساتىندا تاپسىرىلدى.
نوميناتسيالىق قۇجاتتاما پرەزيدەنت قاسىم-جومارت توقاەۆتىڭ باستاماسىمەن دايىندالدى. مەملەكەت باسشىسى ەلىمىزدىڭ بىرەگەي تاريحي-مادەني جانە تابيعي نىساندارىن حالىقارالىق دەڭگەيدە ناسيحاتتاۋ قاجەتتىگىن بىرنەشە رەت اتاپ وتكەن بولاتىن.
ايرىقشا اتاپ وتەرلىگى, ارالاس مۇرا وبەكتىسى پوستكەڭەستىك ەلدەر تاريحىندا العاش رەت ۇسىنىلىپ وتىر. ءۇستىرت – ارحەولوگيالىق ەسكەرتكىشتەر, ءداستۇرلى اڭشىلىق تۇزاقتار-ارانى جانە تابيعي تۇتاستىقتا ۇيلەسكەن قايتالانباس مادەني ءارى تابيعي لاندشافت.
يۋنەسكو باس ديرەكتورىنىڭ مادەنيەت جونىندەگى ورىنباسارى ەرنەستو وتتونە قازاقستاننىڭ حالىقارالىق ىنتىماقتاستىقتاعى بەلسەندى ۇستانىمىنا ريزاشىلىعىن ءبىلدىرىپ, ۇسىنىلعان باستامانىڭ اسا ماڭىزدى ەكەنىن اتاپ ءوتتى.
كەزدەسۋ سوڭىندا تاراپتار ەكىجاقتى ىنتىماقتاستىقتى ودان ءارى دامىتۋعا مۇددەلى ەكەنىن جەتكىزدى.
