فوتو: istockphoto.com
كەلىسىمگە سايكەس, تاراپتار سوت ۇكىمىن ورىنداۋ نەمەسە قىلمىستىق جاۋاپكەرشىلىككە تارتۋ ماقساتىندا ءوز اۋماعىندا جۇرگەن ادامداردى ءبىر-بىرىنە بەرۋ مىندەتتەمەسىن قابىلدايدى. بۇل نورما ەڭ كەمى ءبىر جىلعا باس بوستاندىعىنان ايىرۋ نەمەسە ودان دا اۋىر جازا قاراستىرىلعان قۇقىق بۇزۋشىلىقتارعا قاتىستى قولدانىلادى. ۇكىمدى ورىنداۋ ءۇشىن ۇستاپ بەرۋگە سۇراۋ سالۋ كەزىندە قالعان جازا مەرزىمى كەمىندە التى اي بولعان جاعدايدا جول بەرىلەدى.
سونىمەن بىرگە بىرقاتار ەرەكشەلىكتەر قاراستىرىلعان. ماسەلەن, جەكە تۇلعا سۇراۋ سالىناتىن تاراپتىڭ ازاماتى بولسا, قىلمىس ساياسي سيپاتتا جاسالسا, سۇراۋ سالۋ ناسىلىنە, دىنىنە نەمەسە ۇلتىنا بايلانىستى قۋدالاۋعا نەمەسە جازالاۋعا قاتىستى بولسا, قىلمىس اسكەري قىلمىس بولسا نەمەسە سۇراۋ سالىنعان تاراپ جەكە تۇلعاعا باسپانا بەرگەن جاعدايلاردا ۇستاپ بەرۋدەن باس تارتىلادى.
قۇجاتتىڭ ورىندالۋىن قامتاماسىز ەتەتىن قۇزىرلى ورگاندار رەتىندە قازاقستاننىڭ باس پروكۋراتۋراسى جانە ماروككونىڭ ادىلەت مينيسترلىگى بەلگىلەندى.
