فوتو: اشىق دەرەككوز
«بۇگىنگى كۇنى ەلىمىزدەگى 2 ميلليون جەكە كاسىپكەردىڭ 44%-ى دەكلاراتسيادا ەشقانداي اينالىم كورسەتپەيدى نەمەسە مۇلدە دەكلاراتسيا تاپسىرمايدى. بۇل شامامەن 1 ميلليونعا جۋىق جەكە كاسىپكەر ءوز اينالىمىن جاسىرىپ وتىرعانىن بىلدىرەدى. جالپى العاندا, بيزنەس سۋبەكتىلەرىنىڭ تەك 20%-ى عانا جىلىنا 1 ميلليون تەڭگەدەن جوعارى سالىق تولەيدى, ال 80%-ى سالىق تولەمەيدى», دەدى ەرجان ءبىرجانوۆ.
ونىڭ ايتۋىنشا, جاعدايدى باقىلاۋ-كاسسالىق ماشينالاردى دۇرىس پايدالانباۋ دا ۋشىقتىرىپ وتىر.
«قازىر 400 مىڭنان استام كاسسالىق اپپاراتىنان مۇلدە چەك بەرىلمەيدى. ال 260 مىڭى كۇنىنە نەبارى ءبىر عانا چەك بەرەدى. بۇل نەگىزىنەن شاعىن بيزنەسكە ءتان قۇبىلىس. وسىنداي جاعدايدا سالىق ءتارتىبى قالاي ساقتالادى؟ بىزدەگى ەڭ باستى ماسەلە – سالىقتىق ءتارتىپتىڭ السىزدىگى» دەپ ءتۇسىندىردى ۆيتسە-مينيستر.
سونىمەن قاتار ول مەملەكەت تاراپىنان قولعا الىنعان ىنتالاندىرۋ شارالارىنىڭ تيىمدىلىگىن دە اتاپ ءوتتى. ماسەلەن, 10 وڭىردە ىسكە اسقان «سالىقتىق كەشبەك» جوباسى تۇتىنۋشىلاردى چەك تالاپ ەتۋگە ۇيرەتىپ, ناتيجەسىندە چەكتەر سانى 1,5 ەسەگە ارتقان.
قارجى مينيسترلىگىنىڭ دەرەكتەرىنە سايكەس, تىركەلگەن 2 ميلليون جەكە كاسىپكەردىڭ باسىم بولىگى زاڭ جۇزىندە نولدىك ەسەپ تاپسىرادى, ءارى ولاردىڭ قاتارىندا جالدامالى قىزمەتكەرلەر جوق.
