وبلىس اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى باسشىسى نارتاي ەگەمبەرديەۆتىڭ ايتۋىنشا, وڭىردە ورمان قورىن كۇزەتۋ, قورعاۋ, پايدالانۋ, ورمانداردى مولىقتىرۋ جانە ورمان ءوسىرۋ ءىسىن باسقارماعا باعىنىستى 15 ورمان شارۋاشىلىعى مەكەمەسى جۇرگىزەدى.
«ورمان قورىنداعى ورمانشىلىقتاردا 39 ءورت باقىلاۋ مۇناراسى, 16 دانا نايزاعاي بۇرعىش جۇمىس جاعدايىنا كەلتىرىلدى. ءورت قاۋپى بار اۋماقتارداعى 65 بەكەتتە تاۋلىك بويىنا كەزەكشىلىكتەر قۇرۋ جۇمىستارى جۇرگىزىلۋدە. ولار قازىرگى تاڭدا ورمان قورىنداعى جاعدايلار بويىنشا باسقارماعا بايلانىس قۇرالدارى ارقىلى ەسەپ بەرۋدە. سونىمەن قاتار وبلىستىڭ 3 ميلليون 48 مىڭ گەكتار ورمان قورىنا ءورت قاۋىپتى ماۋسىمى كەزىندە مويىنقۇم اۋدانىندا ورنالاسقان «قازاۆيا ورمان قورعاۋ» مەكەمەسىنىڭ 1 ۇشاعى (ان-2) جانە 1 تىك ۇشاعى (AS350) اۋەدەن باقىلاۋ جۇرگىزدى.
مەكەمەلەر بويىنشا ورمان قورعاۋ قىزمەتكەرلەرىنەن 1-ءشى جانە 2-ءشى تيپتەگى ورمان ءورتىن ءسوندىرۋ ستانتسيالارىندا 380 ءورت جاساقشىسى قۇرىلعان. ءورت ءسوندىرۋ جاساقشىلارىنى سانالى فورمالارمەن قامتاماسىز ەتىلگەن جانە ارنايى وقۋدان ءوتىپ, سەرتيفيكاتتارىن العان. ورمان ءورت ءسوندىرۋ ستانتسيالارى 5 بىرلىك ءورت ءسوندىرۋ اۆتوكولىگىمەن, 15 بىرلىك ۋاز-330365 اتس-0,9 ماركالى كىشى كەشەندى ءورت ءسوندىرۋ اۆتوكولىگىمەن, 90 دانا ءارتۇرلى ماركاداعى متز تراكتورىمەن (سوقالارىمەن) جانە 15 دانا جارتىلاي تىركەمەلى 3 توننالىق ءورت سوندىرگىش امبەباپ تسيستەرنالارمەن جابدىقتالعان.
ورمان قورىن كۇزەتۋگە, پاترۋل جاس اۋعا 72 بىرلىك جەڭىل اۆتوكولىك ورمان شارۋاشىلىعى مەكەمەلەرىندە كەزەكشىلىكتەر جۇرگىزۋدە. الايدا اتقارىلىپ جاتقان الدىن الۋ شارالارىنا قاراماستان, ءورت قاۋپى جوعارى ماۋسىم كەزىندە وبلىستىڭ ورمان قورى اۋماعىندا جالپى اۋدانى 32 993 گەكتار بولاتىن 47 ورمان ءورتى وقيعاسى تىركەلدى. ونىڭ ىشىندەگى 19 136,1 گەكتار جەر ورمانمەن كومكەرىلگەن جەرلەر. ءورت شىعۋ سەبەپتەرى: 3 جاعداي – ازاماتتاردىڭ ءورت قاۋىپسىزدىگى تالاپتارىن ساقتاماۋىنان; 26 جاعداي – نايزاعايدىڭ تۇسۋىنەن; 4 جاعداي – اكىمشىلىك اۋماقتاردان مەملەكەتتىك ورمان قورى جەرىنە ءورتتىڭ ءوتىپ كەتۋىنەن. ال 14 جاعدايدىڭ شىعۋ سەبەبى انىقتالعان جوق. بيىلعى جىلى ورمان قورىندا ءورت قاۋىپسىزدىگىن قامتاماسىز ەتۋ ماقساتىندا جالپى ۇزىندىعى 11 154,5 شاقىرىم بولاتىن ورتكە قارسى مينەرالدى جولاقتارعا كۇتىم جاساۋ جۇمىستارى جوسپارلانىپ, جوسپار تولىق كولەمدە ورىندالدى, – دەيدى نارتاي الىبەك ۇلى.
جامبىل وبلىسى.
