فوتو: سەناتتىڭ ءباسپاسوز قىزمەتى
شاراعا ءادىل احمەتوۆ, مەرەكە قۇلكەنوۆ, بايانعالي ءالىمجانوۆ, جانعارا دادەباەۆ, ديحان قامزابەك ۇلى, ماقپال جۇماباي جانە باسقا دا بەلگىلى قالامگەرلەر مەن قوعام قايراتكەرلەرى قاتىستى.
كەزدەسۋدە ەكى ەل اراسىنداعى مادەني-گۋمانيتارلىق ىنتىماقتاستىقتى ارتتىرۋ ماسەلەلەرى تالقىلاندى. ماۋلەن اشىمباەۆ ادەبيەت پەن ونەردى ناسيحاتتاۋ, مادەني مۇرانى تسيفرلىق كەڭىستىكتە ساقتاۋ جانە بىرلەسكەن جوبالاردى ىسكە اسىرۋدىڭ ماڭىزىن اتاپ ءوتتى.
«بۇگىنگى كۇنى قازاقستان مەن قىرعىزستاننىڭ زيالى قاۋىمىنىڭ الدىندا ماڭىزدى مىندەتتەر تۇر. اسىرەسە, ەكى ەلدىڭ ادەبيەتى مەن ونەرىن كەڭىنەن ناسيحاتتاۋعا باسىمدىق بەرىلۋى كەرەك. وسى جۇمىستىڭ اياسىندا بەلگىلى اقىن-جازۋشىلاردىڭ دارىستەرىن ۇيىمداستىرۋدى ۇسىنامىز. مادەني مۇرالار مەن ادەبي شىعارمالاردى تسيفرلىق كەڭىستىكتە ساقتاۋدىڭ دا ماڭىزى زور. وسى ماقساتتا عىلىمي ەڭبەكتەر, اۋديوكىتاپتار تاراتۋ, ۆيرتۋالدى مۇراجايلار ۇيىمداستىرۋ جانە باسقا دا جوبالارددىڭ ەلەكتروندى نۇسقاسىن بىرەلەسە ازىرلەۋىمىز كەرەك. ءبىز ءوز تاراپىمىزدان وسى باستامالاردى جۇزەگە اسىرۋدا قاجەتتى قولداۋ كورسەتۋگە دايىنبىز», دەدى ماۋلەن اشىمباەۆ
سونىمەن قاتار سەنات توراعاسى قىرعىز رەسپۋبليكاسىنىڭ بىرقاتار قوعام قايراتكەرىن قازاقستاننىڭ مەملەكەتتىك جانە پارلامەنتتىك ناگرادالارىمەن ماراپاتتادى.
وسى كۇنى سەنات توراعاسى ماۋلەن اشىمباەۆ قىرعىز رەسپۋبليكاسى جوگوركۋ كەنەشىنىڭ توراعاسى نۇرلانبەك تۇرعىنبەكۋلۋمەن كەزدەستى.
كەزدەسۋدە پارلامەنتارالىق ىنتىماقتاستىقتىڭ باسىم باعىتتارى تالقىلانىپ, مەملەكەت باسشىلارىنىڭ باستامالارىن زاڭنامالىق تۇرعىدان قولداۋ قاجەتتىلىگى اتاپ ءوتىلدى.
ءوز كەزەگىندە نۇرلانبەك تۇرعىنبەكۋلۋ سەنات سپيكەرىنە فورۋمعا قاتىسقانى ءۇشىن العىس ءبىلدىرىپ, ەكى ەل اراسىنداعى دوستىق قارىم-قاتىناستاردى نىعايتۋعا مۇددەلى ەكەنىن جەتكىزدى.
