ۇلى ويشىل, اقىن ءارى اعارتۋشى اباي قۇنانباي ۇلىنىڭ 180 جىلدىعىنا ارنالعان ادەبي-مۋزىكالىق كەشتە كوپشىلىك ۇلتتىق ءداستۇر مەن زاماناۋي ونەردى توعىستىرعان ەرەكشە كەشتىڭ كۋاسى بولدى. بۇل كەشتىڭ ەرەكشەلىگى سول, ءانشى ءار ءاندى ورىنداماس بۇرىن ول تۋىندىنىڭ جۇرتشىلىق بىلە بەرمەيتىن تاريحىن ايتىپ, كوپ تىڭ دەرەكتى ورتاعا سالدى. «قازاقكونتسەرتكە» جينالعان قاۋىمعا كەش ۇناعانى سونشالىق, ءانشىنىڭ سوڭعى ءانى ورىندالعاندا دا ەشكىم كەتۋگە اسىقپادى. رۋحاني كەشتە ابايدىڭ ولەڭدەرى مەن اندەرىن ورىنداۋدان بولەك, ۇلى اقىن توڭىرەگىندەگى ءانشى-كومپوزيتورلار مەن سال-سەرىلەردىڭ شىعارماشىلىعى تۋرالى ءبىراز دەرەك ايتىلدى.
رينات زايىت, ءماجىلىس دەپۋتاتى:
«ەرلان رىسقاليدىڭ كەشىن كوپتەن كۇتكەن تىڭدارماننىڭ كوڭىلىن الداماعان, كوپىرىك ەمەس, كوركەم سوزبەن اشەكەيلەنگەن ادەمى كونتسەرت بولدى. دانا ابايدىڭ زامانىنا ءبىر ساپارلاپ قايتقانداي بولدىق. ءار ءاننىڭ تاريحىن سالماقتى سوزبەن جەتكىزىپ, اقان مەن ءبىرجاندى, ءۋايىس شوندىباي مەن شاكارىمدى, مۇحامەدجان مەن امىرەنى, جۇسىبەك, كەلدەنباي, ساناق, تۇرسىنعازىلاردى كورەرمەننىڭ كوز الدىنا اكەلىپ , ساعىنىشىن باستى. قۇدىرەتتى قازاق ءانى جاساي بەرسىن! ەرلان رىسقاليعا العىستان باسقا ايتارىمىز جوق».
ءاليا قاناشقىزى, ارداگەر ۇستاز:
«بۇگىن «قازاقكونتسەرت» زالىندا ءداستۇرلى ءانشى, ونەر قايراتكەرى, مەنiڭ شاكىرتىم جادىرانىڭ جان جارى ەرلاننىڭ «Abai Lab» اتتى شىعارماشىلىق كەشiنەن كەرەمەت اسەر الىپ قايتتىم. كورەرمەنگە ادەبي تىلمەن ابايدىڭ ءان قۇدiرەتiن, كەمەڭگەرلiگiن جەتكiزە بiلگەنiنە قايران قالدىم. كiشكەنتاي كەزiمنەن اكەمنiڭ جانىنان قالماي, تالاي جيىننان, اباي ەلىندە بولىپ جاتقان تويلاردان قالمايتىنمىن. حالقىمىزدىڭ اتاقتى انشىلەرى ج.ەلەبەكوۆ, ر.باعلانوۆا, ب.تولەگەنوۆا, م.ەشەكەەۆ ت.ب. تۋىندىلارىن تىڭداپ ءوستىم. ەندى مىنە, سول ونەر يەلەرىنىڭ iزiن جالعاستىرىپ كەلە جاتقان ەرلان رىسقاليدىڭ شىعارماشىلىعىن قىزىقتاۋ باقىتىنا يە بولدىم».
جەفف گەرش, نيۋ-يوركتان كەلگەن مۋزىكانت:
«ەرلان رىسقاليدىڭ ابايدىڭ 180 جىلدىعىنا ارنالعان ءان كەشىن تاماشالاۋ مەن ءۇشىن ۇلكەن قۇرمەت. ەرلاننىڭ ايرىقشا ورىنداۋ شەبەرلىگى جانە ونىڭ دومبىرانىڭ قۇلاعىندا ويناۋى كەرەمەت اسەر قالدىردى جانە بويىما شابىت سىيلادى. ءوزىم دومبىرا شەرتۋدى ۇيرەنىپ جۇرگەندىكتەن, قازاقستانعا كەلگەن بەتىمدە مۇنداي سيپاتتاۋعا ءسوز جەتپەيتىن, ەرەكشە كونتسەرتتەردى تاماشالاۋدىڭ مەن ءۇشىن ماڭىزى زور».
