سولتۇستىكتە تەلەديداردىڭ اشىلۋى قازاقتىڭ ەرەن تۇلعالارىنىڭ ءبىرى ءىلياس وماروۆتىڭ ەسىمىمەن تىكەلەي بايلانىستى. ول 1960 جىلى سولتۇستىك قازاقستان وبلىسى پارتيا كوميتەتىنىڭ ەكىنشى حاتشىسى بولاتىن. ەلدىڭ وسكەلەڭ تالابىنا تۆ قاجەت ەكەنىن بىردەن تۇسىنگەن ول الماتى مەن ماسكەۋگە شاپقىلاپ ءجۇرىپ تەلەديداردى اشقىزعان. سودان بەرگى 65 جىلدا بۇل ۇجىمنىڭ قابىرعاسىنان جۋرناليستيكانىڭ نەشە ءتۇرلى ساڭلاقتارى تۇلەپ ۇشتى.
تۆ-نىڭ ءمۇتاللاپ قانعوجين باسشى بولعان جىلدارىندا مالىك مۇقانوۆ, جاراسباي سۇلەيمەنوۆ, كارىباي مۇسىرمان, رايسا بيكمۋحامبەتوۆا, ەلميرا كالەنوۆا جانە ت.ب رەسپۋبليكاعا تانىمال قالامگەرلەر ەڭبەك ەتتى.
قازىر دە باسەكەلەستىك ورتاعا توتەپ بەرىپ, قىزعىلىقتى, تارتىمدى حابارلار جاسايدى. سونىمەن بىرگە اقپارات اعىنىندا الدىڭعى شەپتە ەڭبەك ەتۋدە.
