تەرگەۋ دەرەكتەرىنە سايكەس, كۇدىكتى الەۋمەتتىك جەلىلەردەگى تىكەلەي ەفيرلەردى باقىلاپ وتىرعان. ەفيردە كەيبىر قاتىسۋشىلار وزدەرىنىڭ ۇيالى تەلەفون نومىرلەرىن نەمەسە تەلەفون ەكراندارىن كورسەتكەن. سول ساتتە ەكرانعا تۇسكەن مەسسەندجەرگە كىرۋدى راستاۋ SMS-كودتارىن پايدالانىپ, ول جابىرلەنۋشىلەردىڭ پاراقشالارىنا قول جەتكىزگەن.
بوتەن اككاۋنتتارعا كىرگەن سوڭ, ول جابىرلەنۋشىلەردىڭ جاقىن تانىستارىنا اقشا قارىزعا بەرۋ جونىندە جالعان حابارلامالار تاراتقان. ال تۇسكەن قاراجاتتى ءوز شوتتارىنا اۋدارعان.
الاياقتىق ارەكەتتەردىڭ سالدارىنان وبلىستىڭ بەس تۇرعىنى زارداپ شەكتى. قازىرگى ۋاقىتتا بۇل دەرەك بويىنشا «الاياقتىق» بابىمەن قىلمىستىق ءىس قوزعالدى. سوتقا دەيىنگى تەرگەۋ جۇرگىزىلۋدە. سونداي-اق پوليتسيا قىزمەتكەرلەرى كۇدىكتىنىڭ وسىعان ۇقساس باسقا دا قۇقىقبۇزۋشىلىقتارعا قاتىستىلىعىن تەكسەرىپ جاتىر.
شىعىس قازاقستان وبلىسىنىڭ پوليتسيا دەپارتامەنتى ازاماتتاردى ونلاين-ترانسلياتسيالار كەزىندە ساق بولۋعا شاقىرادى.
جەكە دەرەكتەرىڭىزدى جسن, بانك كارتاسىنىڭ ءنومىرىن, مەكەنجايىڭىزدى, تەلەفون ءنومىرىڭىزدى جانە وزگە دە قۇپيا اقپاراتتى ەشقاشان تىكەلەي ەفيردە جاريا ەتپەڭىز.
ەگەر ءسىز ينتەرنەتتەگى زاڭسىز ارەكەتتەردىڭ قۇربانى نەمەسە كۋاسى بولساڭىز, بىردەن 102 نومىرىنە حابارلاسىڭىز نەمەسە جاقىن ماڭداعى پوليتسيا بولىمىنە جۇگىنىڭىز.
وسكەمەن
