فوتو: اشىق دەرەككوز
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, ااك-ءنىڭ نەگىزگى ماقساتى – اقشالاي تولەمدەر تۇرىندە قولداۋ كورسەتۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىلارعا قيىن ومىرلىك جاعدايلاردان شىعۋعا كومەكتەسۋ.
ااك مىنالاردى قاراستىرادى:
- تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ;
- تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك مولشەرىندە اي سايىنعى قوسىمشا تولەم بەرۋ. اعىمداعى جىلدىڭ 1 قىركۇيەگىندە ااك الۋشىلار قاتارىنان مەكتەپ جاسىنا دەيىنگى 83,6 مىڭ بالاعا 2,8 ملرد تەڭگە سوماسىنا قوسىمشا تولەم تاعايىندالدى;
- جۇمىسقا ورنالاستىرۋ, ءوز ءىسىن اشۋعا نيەتتى وتباسىلارعا گرانتتار بەرۋ, بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.
