ءتىنتۋ بارىسىندا ونىڭ ۇيىنەن 21 ۇيالى تەلەفون, ءتۇرلى وپەراتورلاردىڭ 48 SIM-كارتاسى جانە مودەم تاركىلەندى. مۇنىڭ ءبارى ەلدى الداپ, جەڭىل پايدا تابۋ ماقساتىندا قولدانىلعان.
پوليتسيا مالىمەتىنشە, الاياقتاردان الماتى, استانا, اقتوبە, قوستاناي, سەمەي قالالارىنىڭ تۇرعىندارى زارداپ شەككەن. بۇگىنگە دەيىن قوزعالعان بەس قىلمىستىق ءىس بويىنشا كەلتىرىلگەن شىعىن كولەمى 80 ميلليون تەڭگەدەن اسىپ جىعىلادى. وكىنىشتىسى سول, الدانعان جۇرت جالعان نومىرلەرگە ەش كۇمانسىز اقشا اۋدارا بەرگەن.
تەرگەۋ بارىسىندا پوليتسيا 17 – 20 جاس ارالىعىنداعى تاعى 15 ءجاسوسپىرىمنىڭ وسىنداي زاڭسىز ارەكەتتەرگە تارتىلعانىن انىقتادى. كامەلەتكە تولماعانداردىڭ قىلمىسقا قاتىسقانى ءۇشىن ءۇشىن تەك وزدەرى عانا ەمەس, اتا-انالارى دا قولدانىستاعى زاڭناماعا سايكەس جاۋاپقا تارتىلادى.
پوليتسيا وبلىستىق ءبىلىم باسقارماسىمەن بىرلەسە وتىرىپ جاستار اراسىندا قىلمىستىڭ الدىن الۋ ءىس-شارالارىن باستادى.
«كوپشىلىككە قىلمىستىق كودەكسكە تۇزەتۋلەر ەنگىزىلگەنىن قايتالاپ ەسكەرتەمىز. ماسەلەن, ەندى جەكە دەرەگىن نەمەسە SIM-كارتاسىن الاياقتارعا بەرگەن دروپپەرلەر 7 جىلعا دەيىن باس بوستاندىعىنان ايىرىلۋى مۇمكىن. سوندىقتان الەمجەلىدە كۇماندى سىلتەمەلەردى اشپاڭىزدار, بانكتىك كارتالارىڭىزداعى دەرەكتى, تەلەفونىڭىزعا كەلگەن ءبىر رەتتىك كودتى, ءتىپتى تانىس ادام سۇراسا دا, ەشكىمگە ايتپاڭىزدار», دەپ حابارلادى وبلىستىق پد-نىڭ ءباسپاسوز قىزمەتى.
قوستاناي وبلىسى
