رەسمي دەرەككە ساي, ولارمەن بىرگە تاعى ءبىر جەرگىلىكتى تۇرعىن ۇستالدى. تەرگەۋ امالدارى كەزىندە ايعاق زاتتار تاركىلەنىپ, ارنايى ساراپتاماعا جىبەرىلدى. اۋدان اكىمىنىڭ ورىنباسارىنا قاتىستى بۇلتارتپاۋ شاراسى رەتىندە ۋاقىتشا ۇستاۋ يزولياتورىنا قاماۋعا الۋ قولدانىلدى. قالعان كۇدىكتىلەرگە بايلانىستى تۇپكىلىكتى شەشىمدى تەرگەۋ بارىسىندا قۇزىرلى ورگاندار قابىلدايدى.
وبلىس اكىمدىگى جاعدايعا بايلانىستى مالىمدەمە جاسادى. وندا مەملەكەتتىك قىزمەتشىلەردىڭ زاڭدى بەلدەن باسىپ, ار-وجدانعا داق تۇسىرەتىن ارەكەتتەرىنە جول بەرىلمەيتىنى باسا ايتىلدى. اكىمدىك قوعام سەنىمىن اقتاۋ ءۇشىن زاڭسىزدىققا قارسى قاتاڭ ساياسات ۇستانىپ, ءاربىر قۇقىق بۇزۋشىلىققا ناقتى شارا قولداناتىنىن جەتكىزدى.
