ەتنوساياسات ارقاۋى – تۇراقتىلىق پەن بىرلىك

وبلىس ورتالىعىنداعى قازاقستان حالقى اسسامبلەياسى عيماراتىندا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى مەن قازاقستان حالقى اسسامبلەياسىنىڭ قولداۋىمەن «مەملەكەتتىك ەتنوساياساتتى جۇزەگە اسىرۋداعى مەملەكەتتىك-قۇقىقتىق تەتىكتەر جانە حالىقارالىق ستاندارتتار» تاقىرىبىنداعى ءۇش كۇندىك رەسپۋبليكالىق سەمينار-ترەنينگ بولىپ ءوتتى. سەمينار-ترەنينگ جۇمىسىنا پرە­زيدەنت اكىمشىلىگى قازاق­ستان حالقى اسسامبلەياسى حاتشى­لىعىنىڭ, مادەنيەت جانە سپورت مينيسترلىگىنىڭ, پرەزيدەنت جا­نىن­داعى «قوعامدىق كەلىسىم» رمم, پرەزيدەنت جانىنداعى ادام قۇقىقتارى جونىندەگى كوميس­سيانىڭ وكىلدەرى, پرەزيدەنت جا­نىنداعى مەملەكەتتىك باسقارۋ اكادەمياسىنىڭ پروفەسسورلىق-وقىتۋشىلار قۇرامى اتسالىستى. تىڭداۋشىلار رەتىندە ەتنوسارالىق جانە كونفەس­سيا­ارالىق قاتىناستار, ەتنوسايا­سات ماسەلەسىمەن اينالىساتىن مەم­لەكەتتىك قىزمەتشىلەر, اكىم­دىك­تەر مەن ءماسليحاتتاردىڭ ماماندارى, ىشكى ساياسات بولىمدەرىنىڭ جانە ءدىن ىستەرى, جاستار ساياساتى باسقارمالارىنىڭ باسشىلارى مەن ماماندارى, وڭىرلەردىڭ قحا حاتشىلىقتارىنىڭ مەڭگەرۋشىلەرى مەن ماماندارى جانە عىلىمي-ساراپتامالىق توپتارىنىڭ مۇشەلەرى, «قوعامدىق كەلىسىم» رمم وڭىرلىك قۇرىلىمدارىنىڭ قىزمەتكەرلەرى, باق وكىلدەرى, اقتوبە, اتىراۋ, باتىس قازاقستان جانە ماڭعىستاۋ وبلىستارىنىڭ ەتنو­مادەني, ءدىني جانە جاستار ءبىر­لەستىكتەرىنىڭ جەتەكشىلەرى قاتىستى. سەمينار-ترەنينگتىڭ سالتاناتتى اشىلۋىندا قازاقستان حال­قى اسسامبلەياسى وبلىستىق حاتشىلىعىنىڭ مەڭگەرۋشىسى جولداس نۇرشين ءسوز سويلەپ, دۇرىس جۇرگىزىلگەن ەتنوساياساتتىڭ ەلىمىزدەگى ساياسي تۇراقتىلىق پەن بىرلىكتى قامتاماسىز ەتىپ وتىرعانىنا توقتالدى. پرەزيدەنت جانىنداعى مەملەكەتتىك باسقارۋ اكادەمياسى ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جەتەكشىسى ايگۇل سادۋاقاسوۆا سەمينار-ترەنينگتىڭ جۇمىسىمەن تانىستىردى, ونىڭ ماڭىزى مەن ماقساتىن اتاپ كورسەتتى. ءۇش كۇندىك سەمينار-ترەنينگكە قاتىسۋشىلارعا سەرتيفيكاتتار تاپسىرىلدى. ساتىبالدى ءساۋىرباي, «ەگەمەن قازاقستان».  اقتوبە وبلىسى.