قارجى مينيسترلىگى مالىمەتىنشە, ەلەكتروندى فورمات بارلىق ءراسىمدى قامتيدى: ساتىپالىمدى جۇرگىزۋ, كەلىسىمشارتتار جاساۋ جانە تىركەۋ, ەلەكتروندى بانك كەپىلدىكتەرىن پايدالانۋ, تاۋارلاردى جەتكىزۋ, جۇمىستاردى ورىنداۋ جانە قىزمەتتەردى كورسەتۋ اكتىلەرىن راسىمدەۋ, ەلەكتروندى شوت-فاكتۋرالار جانە تولەم شوتتارى.
ۆەب-پورتالدىڭ مەملەكەتتىك ورگانداردىڭ اقپارات جۇيەلەرىمەن اۋقىمدى ينتەگراتسياسى الەۋەتتى ءونىم بەرۋشىلەردىڭ بىلىكتىلىك تالاپتارىنا سايكەستىگىن, سالىق جانە سوت بەرەشەگىنىڭ بار-جوقتىعىن, سونداي-اق جوسىقسىز ءونىم بەرۋشىلەر تىزىمىنەن اۆتوماتتى تۇردە تەكسەرۋگە مۇمكىندىك بەردى. بۇل اشىقتىقتى ايتارلىقتاي ارتتىرىپ, ادامي فاكتوردىڭ الدىن الۋعا سەپتەستى.
Global Data Barometer حالىقارالىق زەرتتەۋىنە سۇيەنسەك, قازاقستاننىڭ ساتىپالىم جۇيەسى قولجەتىمدىلىك پەن اشىقتىق كورسەتكىشى جاعىنان الەمدە 3-ءشى ورىندا تۇر.
2025 جىلدىڭ 1 قاڭتارىنان باستاپ «مەملەكەتتىك ساتىپ الۋ تۋرالى» زاڭ كۇشىنە ەندى. وسى رەفورماعا سايكەس ساتىپالىمنىڭ بارلىق ءتۇرىن بىرىكتىرەتىن بىرىڭعاي ساتىپ الۋ پلاتفورماسىن قۇرۋ كوزدەلدى: مەملەكەتتىك جانە كۆازيمەملەكەتتىك سەكتور سۋبەكتىلەرىنىڭ, ۇلتتىق ءال-اۋقات قورلارىنىڭ, سونداي-اق ءبىلىم بەرۋ ۇيىمدارىنداعى تاماقتاندىرۋ ماسەلەلەرىنە بايلانىستى جانە باسقا دا ساتىپالىمدار.
بىرىڭعاي ساتىپ الۋ پلاتفورماسى «ەلەكتروندىق قارجى ورتالىعى» اق بازاسىندا جاسالىپ, قولدانىستاعى goszakup.gov.kz, zakup.sk.kz جانە mitwork.kz جۇيەلەرىمەن ينتەگراتسيالاندى. سونىمەن قاتار پلاتفورما سوت كابينەتى, «قازىناشىلىق-كليەنت», بورىشكەرلەر ءتىزىمى, جىلجىمايتىن م ۇلىك ءتىزىمى, «ە-ليتسەنزيالاۋ» جۇيەسى جانە ت.ب. قوسا العاندا, 20-دان استام مەملەكەتتىك اقپارات جۇيەسىمەن دە بىرىكتىرىلگەنىن ايتا كەتەيىك.
بىرىڭعاي پلاتفورمانىڭ ىسكە قوسىلۋى رەتتەلەتىن ساتىپالىمنىڭ بارلىق تۇرىنە اشىق, جايلى جانە بىرىڭعاي قولجەتىمدىلىكتى قامتاماسىز ەتتى.
تىڭ تەتىك وندىرۋشىلەر اراسىنداعى باسەكەلەستىك دەڭگەيىن ارتتىرىپ, زاڭسىز پراكتيكالاردىڭ سىن-قاتەرىن ازايتۋ مەن بيۋدجەت قاراجاتىن نەعۇرلىم ءتيىمدى پايدالانۋعا مۇمكىندىك بەرەدى.
