فوتو: ۆيدەودان الىنعان
اۋەزوۆ اۋدانى اكىمدىگىنىڭ مالىمەتىنشە, مەردىگەر كومپانيا بۇعان دەيىن امانجول كوشەسىندە تاراتۋ جەلىلەرى جوباسىن اياسىندا اۋىزسۋ جانە كارىز ينجەنەرلىك جەلىلەرىن جۇرگىزۋ جۇمىستارىن تولىق اياقتاعان. دەسە دە «QazaqGaz» اق تاپسىرىسىمەن 300 مم ديامەترلى بولات گاز قۇبىرىن تارتۋ جوسپارىنا بايلانىستى اسفالتبەتون جامىلعىسىن تولىق قالپىنا كەلتىرۋ ۋاقىتشا كەيىنگە قالدىرىلعان.
وسى جاعدايعا جانە قاتتى نوسەردىڭ اسەرى جولدىڭ شوگۋىنە جانە جابىننىڭ ب ۇلىنۋىنە اكەلدى. سونىڭ سالدارىنان جول جابىنى وپىرىلىپ, 13 اۆتوكولىك زاقىمداندى. قازىرگى ۋاقىتتا امانجول كوشەسى جابىلدى. تاڭەرتەڭنەن باستاپ كولىكتەردى ەۆاكۋاتسيالاۋ, توپىراقتى شىعارۋ جانە جولدى تولىق تازارتقانعا دەيىن باللاست توسەۋ جۇمىستارىن جۇرگىزۋ جوسپارلانىپ وتىر. سونىمەن قاتار مەردىگەر ۇيىم زاقىمدانعان اۆتوكولىكتەردىڭ يەلەرىنە كەلتىرىلگەن شىعىندى تولىق وتەيدى. ماسەلە الماتى قالاسى اكىمدىگىنىڭ باقىلاۋىندا», دەپ جازدى الماتى قالاسى اكىمىنىڭ كوممۋنيكاتسيا جانە باق-پەن جۇمىس بويىنشا كەڭەسشىسى يلزات اكچۋرين.
