فوتو: kazgazeta.kz
ورتالىق شەتەلدىك دەرەككوزدەردى مىسال ەتە وتىرىپ, جۇرگىزۋشىلەرگە جول قوزعالىسى ەرەجەلەرىن بۇزعانى ءۇشىن جالعان قاۋلىلار جىبەرىلىپ جاتقانىن ەسكەرتتى.
الاياقتار حابارلامادا جۇرگىزۋشى, كولىك ءنومىرى تۋرالى دەرەكتەردى قامتىپ, ەلەكتروندىق پوشتا مەن مەسسەندجەرلەرگە تولەم جاسايتىن سىلتەمەنى قوسا جىبەرەدى.
بۇگىندە وسى مازمۇنداعى شابۋىلدار رەسەي مەن اقش-تا تىركەلگەن. باس پروكۋراتۋرا سحەمانىڭ قازاقستاندا تارالۋ قاۋپى بار ەكەنىن مالىمدەگەن.
«بانك كارتاسىنىڭ دەرەكتەرىن ەنگىزگەن كەزدە الاياقتار ءسىزدىڭ شوتىڭىزدى پايدالانىپ, باسقا قاراجاتتى دا ۇرلاۋ مۇمكىندىگى تۋىندايدى. جەكەلەگەن جاعدايلاردا سىلتەمەدە قۇرىلعىدان جەكە دەرەكتەردى ۇرلاۋعا ارنالعان ۆيرۋس بولادى. اكىمشىلىك ايىپپۇل سالۋ تۋرالى رەسمي حابارلامالار تەك 1414 قىسقا نومىرىنەن كەلىپ تۇسەدى جانە تولەم سىلتەمەلەرى كورسەتىلمەيدى. ەگەر 1414 نومىرىنەن ايىپپۇل تۋرالى حابارلاما كەلىپ, وندا تولەم سىلتەمەسى كورسەتىلسە بۇل - فيشينگتىك شابۋىل», دەلىنگەن حابارلامادا.
ايتا كەتەيىك, ايىپپۇلدار تۋرالى اقپاراتتى تەك egov.kz, qamqor.gov.kz رەسمي رەسۋرستارى مەن بانكتەردىڭ ءموبيلدى قوسىمشالارىنان قايتا تەكسەرۋگە بولادى.
ەگەر ءسىز سىلتەمە ارقىلى ءوتىپ, دەرەكتەردى ەنگىزگەن بولساڭىز:
- بانك كارتاسىن شۇعىل بۇعاتتاڭىز;
- ىقتيمال الاياقتىق فاكتىسى تۋرالى بانككە جانە پوليتسياعا 102 تەلەفونى ارقىلى حابارلاڭىز;
- ۇيالى تەلەفونىڭىزدا ۆيرۋستىڭ بار-جوعىنا تەكسەرىڭىز.
