«العاشقى بارلاۋ جۇمىسى 1961 جىلى جۇرگىزىلدى. ول كەزدە 1 توننا مۇناي الىنعان. مىناۋ كولباداعى مۇناي سول كەزدە قۇيىلىپ الىندى. ودان كەيىن 2013 جىلى «ەنەرگورەسۋرس» سەرىكتەستىگى نوۆونەجين اۋماعىندا بارلاۋ جاساپ, جەر قويناۋىنداعى «قارا التىن» قورىنىڭ قانشا تەرەڭدىكتە جاتقانىن انىقتادى. مۇنايدىڭ اۋدانىن ناقتىلادى. مىسالى, مىنا بانكتەگى مۇناي 550-600 مەتر تەرەڭدىكتەن الىنعان. الايدا ءبىزدىڭ مۇناي وتە تەرەڭدە جاتىر. وعان جەتۋ ءۇشىن 2 شاقىرىمعا دەيىن ۇڭعى جىبەرۋ كەرەك بولادى. بۇعان شىعىن كوپ كەتەتىندىكتەن, ءونىمنىڭ وزىندىك قۇنى دا قىمباتقا شىعادى», دەيدى مۋزەي مەڭگەرۋشىسى ۆەرا ەدىگەنوۆا.
گەولوگ-مامانداردىڭ ايتۋىنشا, اۋليەكول مۇناي كەنىنىڭ اۋماعى شامامەن 1 254 شارشى كيلومەتر بولادى. جەراستى قاباتىنداعى 2500 مەتر مەن 3600 مەتر تەرەڭدىكتىڭ ارالىعىن مول مۇناي قورى الىپ جاتىر.
وسى ورايدا, تورعاي وڭىرىندە دە مول مۇناي قورى جاتقانىن ايتا كەتكەن ءجون. وسىدان ەكى اي بۇرىن وبلىس اكىمدىگىندە وتكەن جيىندا «North Oil» سەرىكتەستىگىنىڭ باسشىسى بەيبىت ابيبۋللاەۆ قىركۇيەكتە جانگەلدين اۋدانىنداعى جىلانشىق وزەنىنىڭ ماڭايىندا گەولوگيالىق بارلاۋ جۇمىسىن باستايتىنىن ايتقان. بارلاۋ جۇمىسى ءبىر جىلعا سوزىلادى. ەگەر جىلانشىقتا كوممەرتسيالىق مۇناي مەن گاز قورى بار ەكەنى انىقتالىپ, ول مەملەكەتتىك قور بالانسىنا ەنسە, تەك ءتورت ت ۇلىكپەن عانا كۇن كورىپ وتىرعان تورعاي حالقىنىڭ دا جاعدايى جاقسارا تۇسەر مە ەدى. الايدا مۇناي, قازىرشە, مۋزەيدە عانا تۇر.
قوستاناي وبلىسى
