وبلىس اكىمىنىڭ ءباسپاسوز قىزمەتىنەن حابارلاعانداي, ەنەرگەتيكا مينيسترلىگىمەن ەرتىس-بايان وڭىرىندەگى ەلەكتر قۋاتىنىڭ ءوندىرىسىن 2035 جىلعا دەيىنگى دامىتۋ جوسپارى ازىرلەنگەن.
-جوسپارعا سايكەس, ەكىباستۇزدا №3 گرەس قۇرىلىسىن سالۋ, №2 گرەس-تە №3 جانە №4 ەنەرگيا بلوكتارىن (ارقايسىسى 550 مۆت) تۇرعىزۋ, پاۆلودارداعى №2 جەو-دا قۋاتتىلىعى 120 مۆت بولاتىن ءۇش بىردەي تۋربينانى, اقسۋ گرەس-ىندەگى №7 ەنەرگيا بلوگىن جاڭارتۋ وڭىردەگى ەلەكتر ەنەرگياسى ءوندىرىسىن الداعى جىلدارى 60 %-عا ۇلعايتادى, - دەپ مالىمدەدى اكىمدىكتەن.
وبلىس تازا ەنەرگەتيكاعا دا زەيىن قويىپ وتىر. ەكىباستۇز قالاسىنا جاقىن جەردە الداعى جىلدارى جەلدەن قۋات الاتىن ەلەكتر ستانسالارى تۇرعىزىلۋى كەرەك. قىتايلىق كومپانيا 500 مۆت-تىق ستانسانىڭ العاشقى كەزەڭىن كەلەسى جىلى اياقتايدى دەپ جوسپارلانعان.
پاۆلودار وبلىسى
