فوتو: gov.kz
بۇل رەتتە قۇرىلىسى اياقتالماعان ۋچاسكەلەردە ءتيىستى جول بەلگىلەرى مەن اقپاراتتىق تاقتالار, ۋاقىتشا جول تاڭبالارى جوق. كەيدە ەسكەرتۋ بەلگىلەرى تالاپقا ساي بولماعاندىقتان, جۇرگىزۋشىگە كورىنە بەرمەيدى. مۇنداي جاعدايلار جول اپاتتارىنا الىپ كەلەدى.
ولجاس بەكتەنوۆ مىسال رەتىندە پاۆلودار وبلىسىندا ورىن العان جاعدايدى اتاپ ءوتتى, وندا «سۇلۋجون-ەكىباستۇز» اۆتوجولىنىڭ ءبىر بولىگىن سۋ شايىپ كەتكەن. الايدا ول جەردە جۋىردا 5 قىركۇيەك كۇنگى ەكى ادامنىڭ قازاسىنان كەيىن عانا جول قوزعالىسىنا تىيىم سالىنعان. وسىعان بايلانىستى پرەمەر-مينيستر ءتيىستى مينيسترلىكتەر مەن اكىمدىكتەرگە تاپسىرما بەردى.
«كولىك مينيسترلىگىنە اكىمدىكتەرمەن بىرلەسىپ, اۆتوموبيل جولدارىن سالۋ, كۇردەلى جوندەۋ جانە كۇتىپ-ۇستاۋ كەزىندە جول قاۋىپسىزدىگىن قامتاماسىز ەتۋ جۇمىستارىن كۇشەيتۋدى تاپسىرامىن. بۇل جەردە ىشكى ىستەر مينيسترلىگىمەن بىرلەسىپ, قۇرىلىس جانە جوندەۋ جۇمىستارى بارىسىندا ستاندارتتاردىڭ قاتاڭ ساقتالۋىنا باقىلاۋدى قامتاماسىز ەتۋ قاجەت. بارلىق قاۋىپتى جول ۋچاسكەلەرىنە تەكسەرۋ جۇرگىزىپ, شارالار قولدانۋ كەرەك. ءوڭىر اكىمدىكتەرى كۇرە جولداردىڭ ماڭىندا مال جايۋ ماسەلەسى بويىنشا ءتورت ت ۇلىك يەلەرىمەن ءتۇسىندىرۋ جۇمىستارىن قامتاماسىز ەتسىن», دەپ اتاپ ءوتتى ولجاس بەكتەنوۆ.
