جاڭا ەرەجەگە سايكەس, ەگەر بەلگىلى ءبىر بولىكتە جولدا اقاۋلار انىقتالسا, جۇرگىزۋشىلەر سول شاقىرىمدارعا تولەمنەن بوساتىلادى. ماسەلەن, 100 شاقىرىمدىق ۋچاسكەنىڭ 5 شاقىرىمى ساپاسىز دەپ تانىلسا, اقى تەك قالعان 95 شاقىرىمعا عانا ەسەپتەلەدى.
مينيسترلىكتىڭ تۇسىندىرۋىنشە, تولەم الۋ پروتسەسى اقاۋ تىركەلگەن ساتتەن باستاپ اۆتوماتتى تۇردە توقتاتىلادى دا, جوندەۋ جۇمىستارى اياقتالعان سوڭ قايتا قوسىلادى. جولداردىڭ جاعدايى تۇراقتى تۇردە ولشەۋلەر مەن تەكسەرىستەر ارقىلى باقىلانىپ وتىرادى.
سونىمەن قاتار جۇرگىزۋشىلەر جولداعى اقاۋلار تۋرالى وزدەرى دە حابارلاي الادى. ول ءۇشىن تاۋلىك بويى جۇمىس ىستەيتىن 1403 قىسقا نومىرىنە قوڭىراۋ شالۋ جەتكىلىكتى. شاعىم بىردەن قارالىپ, تولەم قايتا ەسەپتەلەدى نەمەسە اقشانى قايتارۋ ءراسىمى اۆتوماتتى تۇردە جۇرگىزىلەدى.
جاڭا ەرەجە رەسپۋبليكالىق قانا ەمەس, حالىقارالىق ماڭىزى بار بارلىق اقىلى جولدارعا قولدانىلادى. مينيسترلىك بۇل قادامدى «جولدارداعى اشىقتىق پەن ادىلدىكتى قامتاماسىز ەتۋ ءۇشىن جاسالعان» دەپ وتىر.
