جارمەڭكە تاڭعى 9-دا اشىلدى. وسى ۋاقىتقا دەيىن-اق مۇندا ساتىپ الۋشىلار كوپ جينالعان.
ء«بىز قىزىلوردا وبلىسىنانبىز, جەرلەستەرىمىز كەلگەنىن ەستىپ, ارنايى جەتىپ, كۇرىش پەن قاۋىن الدىق. قىزىلوردا – كۇرىشتىڭ وتانى, مۇندا قاۋىن مەن اسقاباق تا وتە ءدامدى. سول سەبەپتى بارلىعىن ساتىپ الىپ, ۇيدە ءدام تاتۋدى ءجون كوردىك. بيىل كۇرىش باعاسى وتكەن جىلعا قاراعاندا ارزانداۋ ەكەن, بۇل ءبىزدى قۋانتتى», – دەيدى جانات ەسىمدى قالا تۇرعىنى.
جارمەڭكە كۇنى ەلوردالىقتار اقتوبە وبلىسىنىڭ شۇجىق ونىمدەرىن دە تاتىپ كورىپ, ساتىپ الدى. ولار ىشكى نارىقتا ۇلكەن سۇرانىسقا يە.
ء«بىزدىڭ شارۋاشىلىقتا شۇجىق تسەحى بار. ونىمدەرىمىز جىلقى ەتى مەن سيىر ەتىنەن جاسالادى. شۇجىق, قاقتالعان قازى مەن جايا, پىسىرىلگەن شۇجىق جانە شيكى ونىمدەر – جىلقى ەتىنەن دايىندالعان دەليكاتەستەردى ۇسىنامىز. بۇگىنگى جارمەڭكەگە ءبىز 1500 توننا ءونىم اكەلدىك», – دەيدى اقتوبە وبلىسىنىڭ قارعالى اۋدانىنداعى شارۋاشىلىق يەسى ساليما ۇسەباەۆا.
ايتا كەتەيىك, وڭىرلەردىڭ جارمەڭكەلەرى ەلوردادا جىل سايىن قازان ايىنا دەيىن ءار سەنبى-جەكسەنبى كۇندەرى وتكىزىلەدى. بيىلعى جارمەڭكە «قازانات» يپپودرومىنىڭ اۆتوتۇراعىندا (قارقارالى تاس جولى, 1) ءوتىپ جاتىر. سونداي-اق تۇرعىندار مەن قالا قوناقتارىنىڭ ىڭعايلىعى ءۇشىن جارمەڭكە ورنىنا №18, №37 جانە №303 اۆتوبۋستار قاتىنايدى.
