قازاق جىگىتى مالايزيا پرەمەر-ءمينيسترىنىڭ قىزىنا ۇيلەندى

استانا. 20 ناۋرىز. كەشە قازاقستاندىق دانيار كەسىكباەۆ مالايزيا پرەمەر-ءمينيسترىنىڭ قىزى نادجيبا رازاكا نۋريانە نادجۆەگە ۇيلەندى. بۇل تۋرالى The Straits Times حابارلادى. اگەنتتىكتىڭ حابارلاۋىنشا, توي 19 ناۋرىز كۇنى پرەمەر-ءمينيستردىڭ پۋترادجايا قالاسىنداعى «Seri Perdana» اتتى رەزيدەنتسياسىندا وتكەن. ول ەلدىڭ استاناسى كۋالا-لۋمپۋرعا جاقىن جەرگە ورنالاسقان. وعان مالايزيا كورولى ابدۋل حاليم مۋادزام شاح, مينيسترلەر, ەلشىلەر مەن  ديپلوماتتار قاتىسقان. سونداي-اق ءابۋ-دابي مەن ساۋىد ارابياسىنان قوناقتار كەلگەن. جاس جۇبايلار اقش-تا وقىپ جۇرگەندە تانىسقان. پورتالدىڭ مالىمەتىنشە, دانيار بولاشاق قالىڭدىعىنا العاش رەت 2011 جىلى 17 ماۋسىمدا ساقينا تاققان ەكەن. سالتاناتتى ءراسىم پرەمەر-ءمينيستردىڭ رەزيدەنتسياسىندا وتكەن. ايتا كەتەيىك, نادجۆا ۆاشينگتونداعى ۋنيۆەرسيتتەردىڭ بىرىندە حالىقارالىق قاتىناستار ماماندىعى بويىنشا ءبىلىم العان. قازىرگى كەزدە بەلگىلى ءبىر كومپانيادا قىزمەت ەتەدى. ال دانيار كەسىكباەۆ نيۋ-يوركتەگى كولۋمبيا ۋنيۆەرسيتەتىن بىتىرگەن. تاعى ءبىر دەرەك, دانيار وسىدان بىرنەشە جىل بۇرىن قازاقستاننان قاشىپ كەتكەن اتى تانىمال مايرا قۇرمانعاليەۆانىڭ ۇلى ەكەن. مۇرات ايتقوجا.