جەرەبە ورىس شاي ءىشۋ داستۇرىنە ساي ۇيىمداستىرىلدى. الەمنىڭ 23 ەلىنەن كەلگەن قاتىسۋشىلار تسار-ساموۆاردان ىستىق سۋ قۇيىپ, حامەلەون-شىراقاياقتان وزدەرىنىڭ ساحناعا شىعۋ ءنومىرىن ءبىلدى. ناتيجەسىندە العاشقى بولىپ كۋبا ءانشىسى ونەر كورسەتەدى, ودان كەيىن قىرعىزستان, قىتاي, مىسىر, اقش جانە كەنيا وكىلدەرى ساحناعا شىعادى.
امىرە بايقاۋدا قازاق تىلىندە «دالانىڭ نۇرى» اتتى ءانىن ورىندايدى. ول قازاقستاندا عانا ەمەس, شەتەلدە دە تانىمال. ءانشى كوپتەگەن حالىقارالىق بايقاۋلاردىڭ جەڭىمپازى اتانعان. رەسەيدە ونى 2018 جىلعى «سلاۆيان بازارىنىڭ» جەڭىمپازى جانە ديما بيلاننىڭ تالىمگەرلىگىندەگى «گولوس» جوباسىنىڭ ءفيناليسى رەتىندە بىلەدى.
بايقاۋعا جەكە ورىنداۋشىلار مەن قۇرامىندا التى ادامعا دەيىنگى توپتار قاتىسادى. باستى تالاپ — ءوز ەلىندە اسا تانىمال بولۋ. باس جۇلدە — 30 ميلليون رۋبل. جەڭىمپازدى ءار ەلدەن كەلگەن كاسىبي حالىقارالىق قازىلار القاسى انىقتايدى.
بيىل رەسەيدە قايتا جانداندىرىلعان بەدەلدى «ينتەرۆيدەنيە» بايقاۋىندا كەزىندە لەۆ لەششەنكو, يرينا پوناروۆسكايا جانە اللا پۋگاچيوۆا سىندى جۇلدىزدار جەڭىسكە جەتكەن بولاتىن. فينال 20 قىركۇيەكتە ساعات 22:30-دا «پەرۆىي كانال ەۆرازيا» ارناسىندا تىكەلەي ەفيردە كورسەتىلەدى.
