2025 جىلعى 12 قىركۇيەكتە قازاقستان رەسپۋبليكاسى كولىك مينيسترلىگى مەن گونكونگتىڭ كولىك جانە لوگيستيكا بيۋروسى اراسىندا اۋە قاتىناسى ماسەلەلەرى بويىنشا كەلىسسوزدەر ءوتتى.
قازاقستان دەلەگاتسياسىنا قازاقستان رەسپۋبليكاسى كولىك ۆيتسە-ءمينيسترى تالعات لاستاەۆ, ال گونكونگ دەلەگاتسياسىنا گونكونگتىڭ كولىك جانە لوگيستيكا بيۋروسىنىڭ باس حاتشىسىنىڭ كومەكشىسى كەلۆين ما جەتەكشىلىك ەتتى.
كەلىسسوزدەردىڭ ناتيجەسىندە, ءار ەلدىڭ اۋە كومپانيالارى ءۇشىن رەيستەر سانى اپتاسىنا 7-دەن 14-كە دەيىن ۇلعايتىلدى. ونىڭ ىشىندە اپتاسىنا 7 رەيس «اۋا كەڭىستىگىنىڭ بەسىنشى دارەجەلى ەركىندىگى» قاعيداسى بويىنشا جۇزەگە اسىرىلاتىن بولادى. بۇل قازاقستاندىق تاسىمالداۋشىلار ءۇشىن گونكونگ اۋەجايىنىڭ الەۋەتىن پايدالانۋعا, سونداي-اق گونكونگتىق اۋە كومپانيالارىنا قازاقستاندىق اۋەجايلاردى قولدانۋعا مۇمكىندىك بەرەدى.
كەلىسسوزدەر بارىسىندا گونكونگتىق «Cathay» اۋە كومپانياسىنىڭ وكىلى جاڭا اۋە كەمەلەرىنىڭ كەلۋىن ەسكەرە وتىرىپ, قازاقستان رەسپۋبليكاسىنا تىكەلەي رەيستەر اشۋ جوسپارى بار ەكەنىن جەتكىزدى.
قۇقىقتىق بازانىڭ كەڭەيتىلۋى مەن اۋە قاتىناسىنىڭ قايتا جاندانۋى ەلدەر اراسىنداعى ساۋدا-ەكونوميكالىق, ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتەدى.
«Cathay» اۋە كومپانياسى – الەمدەگى ەڭ ءىرى جولاۋشىلار مەن جۇك تاسىمالداۋشى اۋە كومپانيالارىنىڭ ءبىرى. اۋە كومپانياسى الەم بويىنشا 100-دەن استام باعىتقا ۇشادى. ۇشاق پاركى 170-تەن استام اۋە كەمەسىنەن تۇرادى جانە كومپانيا قازىرگى تاڭدا ۇشاقتار سانىن ودان ءارى ارتتىرۋ جۇمىستارىن جۇرگىزۋدە.
