الداعى كۇندەرى رەسپۋبليكانىڭ باسىم بولىگىندە ءفرونتالدى بولىكتەردىڭ وتۋىنە بايلانىستى نايزاعاي ويناپ, جاڭبىر جاۋادى. 13-14 قىركۇيەكتە شىعىس قازاقستان وبلىسىندا, 14 قىركۇيەكتە جەتىسۋ وبلىسىنىڭ تاۋلى اۋداندارىندا, 15 قىركۇيەكتە ماڭعىستاۋ وبلىسىندا قاتتى جاڭبىر, بۇرشاق, داۋىل كۇتىلەدى.
«رەسپۋبليكا بويىنشا جەلدىڭ كۇشەيۋى بولجانادى, سولتۇستىك-باتىستا, سولتۇستىكتە, شىعىستا, ورتالىقتا, رەسپۋبليكانىڭ وڭتۇستىك-شىعىسىندا تۇنگى جانە تاڭعى ساعاتتاردا تۇمان تۇسەدى.
تەمپەراتۋرالىق جاعدايدا اۋا تەمپەراتۋراسىنىڭ تومەندەۋى كۇتىلەدى: ەلدىڭ شىعىسىندا تۇندە 0-9 گرادۋس جىلى, كۇندىز 10-22 گرادۋس جىلى, ەلدىڭ وڭتۇستىگىندە تۇندە 10-16 گرادۋس جىلى, كۇندىز 17-28 گرادۋس جىلى, ورتالىقتا تۇندە 1-9 گرادۋس جىلى, كۇندىز 12-20 گرادۋس جىلى», دەلىنگەن سينوپتيكتەر بولجامىندا
سونىمەن قاتار, سولتۇستىكتە, سولتۇستىك-باتىستا كۇندىزگى اۋا تەمپەراتۋراسىنىڭ 12-19 گرادۋس جىلىعا دەيىن كوتەرىلۋى كۇتىلەدى. باتىستا, وڭتۇستىك-شىعىستا تەمپەراتۋرالىق جاعدايدا ايتارلىقتاي وزگەرىستەر بولجانبايدى.
